Mithli tla lo in
tah khawh si hnga maw? ka ngakchiat lio ah hin ka hawi le nih ka tah lio I ‘na
tah bek tuk an ka ti tawn ah khin, ka tah tung lo ka mitthli pei tla ko cu” ka
rak tit awn hna. Cun, kan lunglawmh caan zong ah kan ngaihchiat caan zong ah
kan lunglen caan zong ah mitthli hi a tla tawn.
‘mitthli cu holh
phunkhat a si’ tiah capar pakhat ka rak rel bal. Zeitin mitthli cu holh a si
khawh hnga timi khi k arak ruat bal lo ( ka tah bek pah ko nain). Caan a van
rau , lawmhnak ngaihchiatnak kan ton caan ah kan mitthli hi a tla theo tawn.
Mithli tlak lo in lawmh khawh, nuamh khawh, lunglen khawh si hnga lo maw? Cun,
kan mitmu chung in a tla mi kan mitthli hi teh khoi ka in dah a rak chuah hnga,
kan cal in maw? kan biang in maw? tbk ruah awk a um.
Bawkeuh te a simi
ngakchia le a nu hi zeitin an I chawnh. Kum tlin hnu lawng ah holh thiam a sit
awn, nain zeitin a fa ti hal caan, rawl ttam caan, ih a duh caan khi a nu nih
zeitin a theih khawh. Zei holh in dah an I chawnh hnga? A nu nih cun a fa a tah
tik ah, “ka fa hi a rawl maw? ttam hnga, a ti maw hal hnga, a paw dah fak hnga,
zeitin dah um hnga” timi a ruat colh. A fa nih a chawnh khawhmi holh cu mitthli
tla in a tah kha a si.
 |
| Mitthli chungin thawnnak a um. |
Pa nak in Nu nih
kan tah bek deuh ko rua, pa le pa cu nan van I ngaih tuk ko zong ah tah nan
hmang lo, chiatni ton caan zong ah ruak kam a tapmi hi nu deuh kan si tawn. Ka
theih ning ah ‘mithi tah hla awih a thiam deuhmi hna hi um dawh si rua’. Pa nak
in nu kan tap deuh hei ti ko usih! Kan tah ruang ah kan thazaang der deuh tinak
si hlei lo. Tah hi nu rian tinak zong si hlei lo. Carson siangbawinu Lairam a
phak ah khan ‘atap’ ziah a tah hnga? A tah bek bak te aw...ti awk in. ( ka
ngakchiat lio zia) Laura thinlung chung ah a ummi, a mithmai ah a langmi,
lairam ah khuasak a tih tuk mi a hmur le a ka in a chim khawh lomi bia fang hna
kha “mitthli” in biangno cung ah a luang bia si.
Kan hmur le kan ka
in kan chim khawh lomi, a thuk bukmi biafang, rel khawhmi cafang in tial khawh
lomi bia, kan thinlung chung in a leng
ah kan chuah khawh lo tik ah ‘Mitthli’ a tla tawn. Mitthli cu thinlung chung ah
ai thupmi holh phun khat a si. Mithli tla in kan tah mi hi a sawsawh silo, kan
pum chung, kan thinlung chung ah a ummi intuar nak kha a langtertu hmelchunh
pakhat zong a si fawn
Note: a sau tuk
sual phan ah ka cik tuk le duh ning si lo. Ca reltu nan cung ah kai lawm.