Kum
a thar nain kei ka hlun. Cun, a hlun ti ai pek in sian lo bu in hnawl rai si
hlah. Na ka ngai pek ngai lo pek ah kei nih cun kan ngai. Samkir a lar tuk an
ti khah! Dinh hau lo na sam hna rak i kir ter laici; ka pa huatci si kha
ee.Cakuat ka tial lo nak hi kumpi kumnga chung a lut cang. Kachung le
hmanh a herhmi um lawng ah ka hei phone
duak ta tawn hna, cakuat tial kai phiat.
A bik in nungak cakuat hrim hi cu kuat cu chim lo ka rel lo nak hrim a
sau tuk cang. Ka kut nih ‘typing’ cut hmanh ai harh tuk cang, na theihcia bang
ka kut tial hi ai dawhbal lo ti cu...theihthiam cia ah kai ruat top ko.
Hi
ka cakuat hi loriakmi khuhsi, sahdah, meh-haang, kuat bantuk men ah na ruah
khawh men. Nain, ka sining a thei bik tu cu nangmah na si ko i ka phup kho hlei
lo ca’h mitchinh kamseh , kapa min chal in ka van tialmi si. Ka cakuat fimtawl
na huam lo cun na pa zong nih kuakzuk nak ah rak hmang te ko seh mu...Kumthar
zing, keden thar, angki thar, tawhrolh thar, taisawm thar, nupi tharte he
biakinn thar te ah kai pum ko nain thawngtha bia in a ka hlau kho lo. Nauthar
ngeihte ding mang zong ka manh kho ti lo.Na rak hlun kho hrim lo Nunu.....Kum
hlun hmanh ah kir than ka duh leh. Ka ca’h na rak thar peng timi ka hun i fian
cu uico bo thawng dah ti lo zaantim ramking si cang ee.
A
tu ka cakuat hi a dih donghnak si lai.Nupi he cun nungak chat cu chim hlah,
nangmah cakuat tial hmanh caan karlak tenh a fawi lo zia hi‘nehtuk hnu i chawnh
rihmi thilrit bantuk si cang’. Nu le pa kan i tlukti cu si cang kaw.., thathu
deuh kan nih ca hrang le bang ah cun
thutden sau cung van zau ta nih a ka hiar tuk caan hmanh ah “kannu hmanh
pei rian hrang a tuan cu ka ti le kai hne”. Tuan lo cun ei lo mei a fawite
cang. Kan chan ngai hi aw..,
Nu
rian ah rak ruah zungzal mi thilsuk, inn teih, hmun phiah, rawlchumh ti khin(a
rauh hlan ah nau umh ai chap hoi lai) tbk hna zong ai manh paoh nih tuah hmasa
si cang. Cu lawng hlah khrihfa upa hmanh ‘Nu’ thim chih an si cang hoi. Kan Nu
zia that ruang ah dawh hi cakuat tial ding kai awt ngam ko cuh. Nu lo in le pa
kan um kho fawn lo, Pa lo in cu Nu lawng khua kan sa kho nan ti men hnga nain
bia ‘nan kan tluk lo nak a um bang kan in tluk lo nak hna zong a um ve ko’ . A
ruang cu,Nu nih nan theih cem ko i ti..hi kong tu cu chia rih usih! Ka tial
duhmi si lem lo ca’h.
