 |
| varung rawl dawr ka eimi puaikhat 2500ks |
Tukum sianginn khar cu ka tha thu ngai. Ka nu bia cun
“ ka tha thut a chuak rua” ti awk in ka um. Sianin, ka nu leng chuah tak awk
tha lo. Ka hawile he vacation kal ka duh tukmi zong kai theihter lo. Nilinh si,
thawsat si, dawr hngah si, a fawi bak lo. Zaanlei 6:00pm hrawng cu ka ban tha
chung ai thupmi thahri pawl chungin tha le zang zong an cawl kho ti lo. “ka nu
ka dawng, ka tha ek” ka ti lengmang.
Zingka ni chuah hlan khin kan nu fa in kan tho cang.
Dawr thil kan chuah, khengbel pawl rem thipthep tein ka tlar dih hna. Kan
pawcawmnak cu mah dawr fa te hi a si ko. Sianginn khar caan paoh hi cu ka nu a
mirh lawng chuak peng. Ka nu rian bawm kho ding ka si cang ruang ahhin sianginn
ka kai chung vialte a dih ding phaisa vialte zong hi ka nu nih a ui lo. Mileng
hna kan neih pah ahcun thut caan hmanh khi ka nei lo. Ka dir peng. Ka thaphet
tha zong a tthom dih tiang in ka dir. Mileng an van tian tik khi cu 6:00pm
hrawng si. Thil kan van ifim dih hrawng inn ah zaan riah kan ei hrawng khi cu
7:00pm si cang. Cu zongah cun kan i din thiam rih lo, thaiizing zuar ding thil
kan tuah than rih. A ka simh tuk ning hi khuaruahhar bak har. Nain, voikhat te
hmanh ka nu cu a zai bal lo. “ka ba tuk” ti a chim zong ka thei bal rih lo. Nain, keimah tucu nifatin ka zai
peng, ka zai locun ka rawl eika thaw lomi kai lawhter.
Nikhat cu, rian kan dih hnuah ca pakhat ka kawl le ca ka
tial. Cucu nihin rian ka tuanmi man ka nu ka halnak ca tlap si.
Inn phiah man =
500ks
Khengtawl man= 200ks
Dawr hngah man = 200ks
Thil fim man
= 100ks tiah ka tial le ka nu cu ka pek. Cutin, zaan cu kan hei it ko.
Kan nu fa in kan ba tuk veve le thu thluahmah cun kan i hngilh colh ko.
Thaizing kan
van tho. Ka nu cu dawr khan a rak phan cang. Ka ihnak pawng teah catlap ka
hmuh.
Kum 20 chung kan zohkhenhnak vialte chungin na ka pek
dingmi phaisa-
Rawl man = 0
Inn man = 0
Thil puan man =
0
A dihlak fonh ah
= 0 (Zero)
Kum 20 chung free tein a ka zoh khenh tu, Ka caah
thlan ti le mitthli in thisen tiang a pe chantu ka nu na cungah kai lawm.
Lovely Nancy
Credit: Naing Naing Sanay