 |
| photo Credit |
12:12
am
Ka classmate
pawl nih hin “Chin malay” ( chin nute) tiin an ka auh. A ruang cu, kan class
room ah hin laimi ah keimah lawng ka um ruang ah si. Mah ti an ka theih khunnak
zong hi sayama nu nih ka min auh ai harh tuk le spelling bak in a ka auh tawn.
Ka hawile chimnak ah cun E-major ah hin Laipa pakhat cu um dawh a si ko rua,
nain a ho si ka thei lo? Laipa muisam ruam arm zong ka hmu bal hna lo. Kawl kar
lak ah lai hawikom ngeih cu ka duh bikmi si. Ka kawl holh thiam lo te he ( ka
aw pei le pei lo khin).
“chin malay”
tiin auh deuh ka si tik ah ka pu nih a ka sakmi ka laimin “ Ngun Hlei Tial ” cu
laimi ka hawile lawng nih a tawi nak in “A Ngun” an ka ti tawn. Ka ngakchiat
lio te hin miral chia ngai ka rak si, ka pa nih a mit reng nawn in a ka zoh
hmanh ah ka raak, ka vio ka tap colh. A rap colhmi ka si.
Zing 9:00am in
sianginn kai ah cun Bus no. 213 cu ka hngak tawn. Sianginn kai lio caan cu si
kaw thutnak tin ding ah a zaan hlan in thlacam thawn ngai hau phun si. Aho cio
hmanh thutnak van i hoih hi cu kan i harh cio. Yangon nilinh he laihni peng kai
fenhmi nih ka hawi ( kawl) pawl an khuaruah a har ter khun hna. “zeitin, mah
tluk linh ah na hni hi a chah tuk lo maw?” an ka ti tawn. Nain, a thatnak pakhat
cu hi tin si,
Date: January
thla thok hrawng si dawh in ka thei, kai cin ti lo. Tawnlo lai hni le angki
ying phong a nakmi te kai hruk. Tuzing hi zingdang nak in ka thawh tuan, ka bus
213 zong a rat tuan, thutnak zong ka ngah tuan fawn. Bus stop pahnih hrawng kan
lonh in thutnak ka ngah colh. Ka mirh that that zia awngbali paohmi ko ka lo. A
chinchap ah tlangval style ngaimi pawng ah si fawn cakei!!!!! Minute 15 hrawng
ka thut ah hin ka pawng thumi pa nih lai holh dikthir bak in lai holh hmanh ah
thantlang peng holh bak in “laimi maw na si ka hawi” a van ka ti. Ka mit
chiahnak ka thei ti lo ai…, “aaaaaa, ka hawinu he kan i chawnhmi ka pawng thumi
pa te ai dawhtuk, kawl ma si hnga Tuluk pa dek, laipa cu a lo ruam lo ka timi
pawl a theih vir cang ko lai hi teh” ka ti vial ah dengteo in a ka zoh, a mit a
thial lo. Mi fir an tleih phun khin a ka zoh eh!!!
“sawri, laimi ka si ko, E-major final ka si”
“ aw, kei zong
e-major ka si ve ko, (D) khan ka si, nt”
“ummm, keicu (G)
khan ka si”
Zeikar ah Dagon
University Gate kan phak manh ka thei lo. Kan bia ruah thawt tuknak ah phone
number i halnak caan zong kan tenh kho lo. Kumdang, nidang ah suimilam pakhat
kan rau tawnmi tuzing cu minute 45 hrawng a zormi ka lawhter. Nihin cu chun
nitlak kai nuam, mirh sii dinh ta mi ka lo. Ka hawinu nih a tu hi na yin-khone
“mi pakhat kha na mitthlam ah na cuanter i nai nuam, a kong na ruah ah na ni,
voikhat in ton than na duh, a tu bantuk na um dan hi” yin-khone timi cu si
‘chin malay’ atu cu Lung bantuk a hakmi na thinlung a cawlter khotu ‘chin
kaunglay’ nai hmuh cang ko hih tiah an ka capo.
“All star a
senmi sige (36), a angki T-shirt senmi a hmailei ah Cartoon a cuang, a sam
hmailei a dinter, Jean pawngbi a parlei zummi te he ka rak hmuh hmasa”, lai hni
kai fenh ruang ah a ka chawnhmi kha si lai ti cu ka fiang. Khua ka ruah lio ah
ka hnulei in minung pakhat a dir-
‘tuchun cu, nangmah he chuncaw kan ei tti lai’
‘ ngah ko ee, (
ka ran khawh ning) E-major ah lainu pakhat te um an timi hi nangmah pei na rak
si ko hi’ tiah a thut bak in a chim colh.
‘si, kum
donghnak lawng ah kan i hmu kho’ ( zei bia le zei bia dek ka chim :-) :-)
Chuncaw ei dih
in ka khan chung tiang a ka thlah. Ka lungthli in ‘ laipa te hi a rak men lo
ee, nungak thlah hna pei a theih ve hi’ ka hei ti. Zaanlei sianginn lawi cu ka mit
a vai, laipa te ka kawl, kan bus ai khat hnga maw ka ti, a ra rih lo le si la
ka ti, a thli tein ka hngak pah, nain a mui de ruam lo. Thachia ngai in ‘hle
dan bus stop’ ah ka tum.
First semester
hi zeitin a liam manh zong ka thei lo. Second semester tu ah cun ‘lai pate’ he
tution hna kan kai ti, Canteen hna kan thu ti, a caan ah church choir hna kan
cawng ti tawn. Zaan i ka mang that deuh le bang hin cun a thaizing zeitluk tuan
i ka thawh zong ah ka panh kho ngai, “tuchun cu lai pate ka hmuh lo hmanh ah,
phone tel a ka chawnh bak lai” ka ti tawn. Nain, kan i tong hlei lo, hmuh ka
duh tuk caan, ka hlam caan pawl ah khin kan i tong bal lo. Hawile kom sining in
a luan lo, a thli tein keimah tu ka luan. A hmasa cem ah nungak a ngeih le
ngeih lo ka hlat! Vanthat ah a ngei ti thawng ka thei lo. Sicun, caan tha si ka
ti.
Hmurka thlum te
le mithmai panh tein a ka chawnh caan, tution kan kai ti pawl a mah he dawr ah
pakhat khat kan ei ti tbk i kan mit hna ruah lo in ai ton sual caan ah khin ka
thin tur, nain a nih cu a mah ningte si fawn ko. Ka hawile nih cun an komh dan,
an zoh dan, an chawnh dan hi a thlianghlim lo an uar ve ko lai an ka ti tawn.
LSSB, yangon
hruaitu pawl nih “ a ra laimi Sep 14 ah Farewell ( Hawihlun thlahnak) cu a
tanglei hmun le caan ah hin si lai i pel lo tein chuahkhawh nan i zuam cio nak
lai upatnak he kan in sawm hna” timi sawmnak ca cu kan kut cung cio ah a hong
phan. Ka hawile pawl cu an i ngaih tuk cang, zei angki dah kai hruk lai? Ka sam
hi zeitin ka tuah ah that hnga? Zei bantuk keden dah kai denh lai tbk in chun
he zaan he an buai.
Ni le thla tuak
cun kum khat hi a sau ngaimi a lo nain sianginn kai pah, len vah pah tukmatak
tuah pah cun mitsir venmi hna ngeih pah cun kum khat liam hi a rak fawi deuh
hrim. Kum dangnak in tukum hi a tawi deuhmi hna ka lawhter. Nikum i a tu bantuk
caan ah hin U Thawngpi te pawl kan rak thlah hna, a tucu keimah an ka thlah
cang lai timi ruahnak nih hledan tum ding zong a ka philhter deng.
Siangngakchia si a nuamh khun nak cu a tu bantuk caan ah hin theih a si khun,
kir than, kai than kan duh ko zong ah Dagon university cu siaherh in mangtha ka
tuah cang lai. Ka thinlung ah zuam cawhtu tampi a um “ sianginn na dih in
zeidah na tuah lai?” timi bia halnak ko hi ka ri.
LSSB hruaitu
pawl hi upat awk an tlak bak. Hawithar don an ti, hawihlun thlah an ti, Chin National
Day an ti, Lai kum thar Tho puai an ti, zeidang dang ah an cawlcang len ve.
Tukum zong second semester phit lai te ah Senior pawl ( tukum sianginn a dih
dingmi) thlahnak zong tuah an timh than. Hruaitu thar zong thim si lai an ti. Speaker
ah Salai Aung Min an sawm. Chuncaw le ferry ca’h minung pakhat 2000ks cio a kan
kholh. Sianginn ka dih cang lai timi ruahnak nih a ka thuam I ka ngeih hna
chia, ka lung hna leng, ka uar tukmi lai pate he van I then ding zong ka ruat
kho lo. Sianginn kan dih hnu cun mah le kutke in dir hau hnga, kan chuahsemnak
ah kir i cozah rian kan tleih khawh lo hmanh ah inn rian tel tuan hau hnga…..cu
i uarmi te he zong I hlat chih ding.
Kum thumnak paoh
cu hmai ah a kan dir ter cun laksawng a kan pek. Mah dih cun senior pawl ai awh
in Salai Van Biak Thang nih bia tawi a chim, a hnar ruhno nih a ttam, a aw a
chuah kho set lo, a mitthli hai. Kan zapi tein kan lu an I khun dih. Kum thum
chung sianginn kainak ding ah ka nu le ka pa nih tangka zei tluk in an dihmi,
mi khualkhua I kan thutdir tik ah an lungre theih ning tbk pawl a van chim khan
cun a tap lo te khom kan um loh. Bia chim thiam ngai, mitha ngai a si pin ah
nikum i LSSB ah Hotu a tuanmi zong a si fawn. Lai pate he hmaitonh in kan thu,
ni hin cu lungduh in ka zoh ngam lo, a thli tein ka hawinu kha hman na rak ka
thlak piak te lai ka ti. Lai pate zong tuni cu ai nuam ruam lo, a hmaichia ngai
le ka lunghring ‘ atu hi nungak a nei le then lai a sianglo le si bak la’ ka
ti.
Game kan I celh
dih in mah duhnak hmun pah ah vah khawh si an ti. Mah ah cun, ka tho le cycle
kai cit ve. A cheu cu ai phirhmi hna an um, cun mah lawng a citmi zong an um
thiam. Lai pate bel a hawinu he an I cit. Ka hmuh hna ka thin han khawh ning! A
thli tein an hnu in ka dawi hna mah ah cun a hawinu nih “ U Lian, tu hi nungak
na nei maw? Tuni cu na hmaichia tuk, nan sinpi lo maw? Tiah a hal. Cyle cit pah
cun “ nungak cu ka nei lo, nain uarmi ka nei. Asinain, propose ka tuah ngam lo”
a van ti. Ka lau! Nihin a hmaichiat tukmi hi a uarmi nute a ra lo le si men lai
ti hna ka ruat.
Lai pate hi
second semester sung sehlaw, sungh na ngamh ve la maw? Tiah bia ka hal hna
sehlaw ngamh tuk ka ti colh hnga. Zei kar dek ah Graduation kan phan. Lai lei
in ka nu le ka pa an rak tlung ve. Hawile kom he an si le degree lak ni kha cu
ka lung zong fim lo, kut tlaitu le laksawng petu zong an tam remruam. Ka kut in
kai ken cawk lo le nau sung nih a ka chawn. Kan major I khat hrat cun hmunkhat
te ah kan la ti. Kan pawngte ah hin a chungle tiin hman an I thla hna. Cu lio
ah cun, ruah lo pi khin ‘A ngun, hman kan I thla ta lai’ a van ka ti. Kan kut
dong pakhat ( peace sign) kan tun kan ni veve.
Pangpar tom he
zei he sile laksawng hi a thaizing lawng ah ka samh khawh. Cakuat bawm cu
pakhat hnu pakhat ka van kau, a lengphaw ah na Pi Cer, na Pa Thawng &
Family tbk phaisa ai khumhmi tete cu ka van kau hna. A donghnak cakuat bawm hi
ai phundang. Biadang in kan chim ah cun a lengphaw ah Love sign a cuang cun
Rose pangpar tom karlak ah a um fawn. Khulrang in ka van lak,
“Lai nute, Congratulation!! Cikhat te caan khat te kan um ti lio ah duhnak mit in kan zoh sual. A thianghlim tukmi na mi zoh hna ka thinlung catlap ah kai fim. Na sin ah kan duhnak bia hi phuan ka duh ko nain na ta pakhat bantuk in na ka zoh, na ka komh ca’h ka chim ngam lo. Aruang cu na ka huat sual lai i keimah he hlatnak hmun ah na ka kal tak lai ti ka phang. Nain, a tu ah cun kan taksa, kan vawlei ai dang in kan I hlat cang lai. Ka ruat kho lo, na ka huat zong ah poi lo, Kan duh tukmi cu hi cabi te hin langternak savo cu ka pe ve ko mu. Nungak tampi an um nain nangmah lawng kan duh, na ta bang na ka zoh! Kan duhnak cu ka thuh, BZ Hmung Ling le a hawi nih “ Phuan lomi Bia” timi hla hi keimah ca’h maw? an phuah hnga ka ti. Farewell lio ah khan chawnh kan duh, hmanthlak pi zong kan duh ko nain ka sining nih a tlinh lo. Ka mithmai khan na theihthiam ko la. Na min ka theih hlan ah khan Lai nute tiah ka rak in auhmi na si. Kawlnu tampi lak ah miphun dang nu tampi lak ah Lai nute nangmah kan thim. Kan duh tuk mu. Atu voihkhat te cu ka zaangfah ko. Lai nute kan duh tuk!!!!
An dawtu,
Lianpi
Camera hi holh thiam sehlaw lunglawhnak bia ka chim hnga. Ka phone chung ah copy ka tuah colh. Ka zoh peng. A caan ah cun bia hna ka hei ruah ve. Atuhin cun a cakuat hi voithumnak ka rel a si cang. Ka pawng thumi ka nu nih “na lung van I fim law, rawlei ah kan tum lai” a van ti cu, Yangon to mandalay kar mile 150 ( Pyay myo) kan phak si cang. Ek inn luh kai timh bak ah message pakhat a lut. Ka phaisa maw dih le si hnga ‘charge your balance’ a ti hoi ko lai cuh ka ti pah khin-
“lai nute, nan
inn khar ka kingh len ko nain hohmanh nih an ka onh lo. Khoi ka dah na um? Atu
hi nan inn hmai VIP ah ka thu ko hih! Zaangfahnak tein inn khar cu ka onh ko
mu…kan ngaituk cang”
“Ka mipum cu
degree kan lak lio i hman kan i thlak
tti lio ah khan thlankhur chung ah phum a si cang. Ka thinlung inn khar na
kingh lai ni hngak in ka tah caan a sau cang lo maw? ral chiatnak nih a thuammi
na thinlung zong Rose pangpar tom chung i na tenhmi cakuat chung ah i phum ve
cang seh. Nikhat khat cu dum ngeitu pa sin ah kan I tong than te lai. Vawlei a
si bang then caan, ton caan a um. Ho nih dah cucu a thlen khawh lai. Ka zum ko,
na ka duh tak, kan duh tak ve a si ah cun khuazing nih caan tha, caan rem a kan
ser piak than te ko lai. Mitku thaw tein mangtha te rak manh mu…Laitlang ka
phaknak ding ah nikhat le zaan hnih lawng ai duh cang. On way to my home town
bye bye bye” ti’n, ka sian lo bu in ruahchannak sin ah Khuazing kut ah kan I
duhnak cu rai ka thawi.