Nizaan zung ka kainak ka
thil he ihnak in ka hong tho. Ka lung tlawmpal te a mit pahmi ka lawh ter.
Leklak! din awk ti ka kawl colh.
“an theu cang ko khah! Chun
ni tlak na ti hal la” a van ka ti.
“poi lo, zung ka kai lo ding
tham” zei poi lo ngai khin ka hei leh. A chim duhmi cu nizaan ah wine tamtuk ka
dinmi kha holh chuah a ka timh pah. Sik khi a hei ka duh ngai nain wine ka rit
zongah mi hnahnok le mi buai phun le fimhlawm hau in ka um lo caah ka zei hmanh
khi a hei poi susa lo.
“zung na kai lo ah, zei na
tuah la” zung kai dingin ai tim cuahmah, a huam lo tuk bu khin. A ka hnahchuah
pah bu cun ka zung kai lo ding kong a ka hal chap rih. Zung kai ni ka kai lo
hin cun ka lung hring tuk cang.
“airport ah U Sui te chung
ka va thlah hna la. Saya Lian Chawn zong thil kuat va pek pah hau. Ka zung kai
lo kong ah nai ceih tuk eh” ka hei ti.
“aw sile, an kut rak ka
tlaih cemh ve hna. Kei cu ka thlah kho ti hna lai lo”
“tha ko. Na rat ve cun
tlangval he kan iton ding hna lam na kan hnawh la” J ti kholhnak lei ah ka kal.
Ka lu hna kai ttawl. Nizaan ka dinmi vialte ka takpum chungin a lengah rak
chuak hna sehlaw ka lawhter, ka umdan a dik lo. Khuasik zing kan hei ti ko la,
Yangon khuasik zing cu lailei chunlailing nakin a lin deuh ko nain yangon um
vemi caah cun a kik ngai kan hei ti ve. Hromthahri pawt lak tiangin hla
funghnih kai sak sek. A kih tuk bia ahhin hla tel I sak thuat ko ne ning ka ti.
A dongh tiag ka thiam huaha
lomi hla pawl pakhat hnu pakhat in ka hei sa. Phone in hla ai chuah pah. Lotion
kai thuh pah. Nizaan kha dam le tluang tein inn ka phak cu fiang tuk in ka
theih. Nain, a ka thlahtu ka hawile an lawi bel ai cin ti lo. Cutin, nizaan ka
zung kainak thuam he k arak ih le zing ka thawh kha si.
Voikhatnak
Voikhat hmuh
Voikhat ton
Zungzal ca’h a
za. (Tlangsangpar)
A liamcia mi caan chungah
kan rak ihmuh lomi zong kha kan iton hnuah lam hmuh saktu meifar a sicun a tha
thiamthiam ko. Voikhatnak, number one (1) timi biafang hi a rak biapi tuk.
Voikhat te kan rak iton mi ruangah, voikhat te kan rak ibamwhchanhmi ruangah,
voikhat te rawl hrawn isawm ruangah, voikhat te lam ton ruangah chanchung tiang
rak I philh khawh lo a si tawn. Voikhat
kan iton cu zungzal caah za ve ko seh.
“long black’ hraikhat in kai
cah. Coffee creazy si ve nak ah coffee din ah cun ‘kha’ lawlaw mi bak ka duh.
Anih Coffee Late ai cah. ‘Late’ hi ka duh ngai mi si ve. Khualtlawn ding na si khah keimah nih in dang
ning tiah ka nawl len, a duh ko. Fine!
Thailand in MAI vanlawng in
ka rak tum lio. Zaan slm 11 ah si, midon nak lei ahkhin Rose pangpar tom he a
rak dir ko khih ka hei hmuh. “Ko Kyaw, na cungah kai lawm. Pangpar ka duh hi
zeitin na theih” ka rak ti.
“kan uarmi nu nih zeidah a
duh, zeidah a huat, zeidah a lawmhmi thil an si” timi tel a thei lomi cu
………………………A nih cu kawl miphun a si. Catang zong a za, mi dingfel a si fawn.
Nain, biaknak le miphun ah ai khat kho ding kan si lo ruang ahhin ka thinlung
mit a rak chinh peng.
Dawtnak thinlung mit
Kan rak chinh
peng ahcun
Hmaitonh kan
thut hmanh ah
Kan i hmu kho lo
ee.
Nangcu, ka
thinlung mit au tertu na si.
Pangpar tom cu kai kuh le
motor chungah ka lut. Inn khar a ka awn piak. Seatbelt a van ka tuah piak. Ka
angki lum cu hnulei thutnak ah a ka thial piak. “Milano Bar”
ah zaan riah ei dingin kan kal. A to Z tiang khin ka caah a tlingmi pa a si. A sirlei zoh zongah, a tung in zoh zongah, a pum khi cheu zongah ka caah a tling. Tlinnak in a khat dihmi pa cu ka thinlung mit in ka hmu kho hrim lo.
ah zaan riah ei dingin kan kal. A to Z tiang khin ka caah a tlingmi pa a si. A sirlei zoh zongah, a tung in zoh zongah, a pum khi cheu zongah ka caah a tling. Tlinnak in a khat dihmi pa cu ka thinlung mit in ka hmu kho hrim lo.
Atu hi voi hnihnak airport
ka phak si cang. Tulio mitlung kal don le thlah cu a tam ko. Tunai US ai thawh
dingmi hmanh kha laimi lawngte chungkhar pa 4 bak an si. An vanlawng cu lai
holh lawng tein a khat phah lai.
Zeibia ngaingai van iruah
awk a har. A voikhat hmuhnak asi. A chunglei in ka khuasik sehlaw, ka lu khi
pherh an zualmi tia in lian sehlaw ka lawh ter. Ka ningzak tuk. Ka hawikom zong
a si lomi, rian tuan tti zong kan si fawn lo. Ai theihcia le ai hngalcia zong
an si bal lo. Cu kan mah pahnih lawng dawr ah coffee din cu ka thling za.
“khua na phak tikah, USui
nih thil cu a van hlam te lai mu. Kai lawm tuk ka U”
“ngah ko. Kai manh ahcun
keimah zong nih ka va pek te ko lai”
A sinah thawnnak a um.
Ahakmi thinlung a teitu.
Mithawn samsawn teitu Ngaknu
dawhnak bantuk. Thawnnak.