Insein hrawng ah
cun a minthang ve mi dawr pa khat a sipin ah zaanlei 4:00pm hrawng hin biatak
tein minung an tla. A hmai ah “Swe Yung Lay” timi ‘che Oo’ dawr pakhat a um. A
sirlei ah khin photo studio pakhat um fawn. Cu i kehlei kam ah hin “Shalom”
timi Internent dawr pakhat a um than. Photo Studio le Shalom internent dawr kar
lak ah cun Beer dawr ngan ngaimi pakhat zong a um chih. Mah cun, hei kal deuh
ah hin “Star Store” pakhat a um. Hei kal deuh chin ah khin “ A 21, Beer dawr”
pakhat a um rih. Mah ka zawn ah cun khuachung lei i ttumnak bus stop a si. Mah
“Swe Yung lay” timi dawr hmai ah cun lakphak, kikdai, thlum al tbk pawl dawr fa
tete an i tlar tung hna. Hei chim lawlaw ko ah cun, hi dawr phak hlan ah hin
Insein ah a min thang cemmi “leng tul” pawl nih tuahmi rawl dawr pakhat a um
rih. Mah vial hin siseh law, ka thutnak dawr hi a min chim hlan in nan theih
theo lai.
Lan-Sone a si
lomi ah cun minung a kalh bak in kan i kalh. BARS pawl an lawi le bang ah hin
cun a phuphu in dawr chung ah leng ah thut cio. Bia sawng tlorh cio cu si. A
kam i dawr pakhat ah hin ‘pa’ lawngte an thu tawn. Coffee hraikhat or lakphak
(pung hman) hraikhat he bawlung chuih an zoh tawn. Dawr khat in an thu, a caan
cun a pawngkam ah kal ngam zong si tawn lo.
Kalama dawr in
minute 15 ( huamsam in kal ah cun) hrawng kal ah khin ka umnak ‘Nu hostel’
pakhat ah ka um. Kan hmaitonh bak hi MIT campus si colh. MIT principlete coka
he hmaitonh ti awk in kan um. A bik in mah ‘sawng’ ah hin ‘laimi ( hakha, thantlang)’
kan tam deuh. Kalama dawr kal kan huam lo caan ah MIT campus chung i “ UShi”
dawr ah kan tli tawn. Cuti cun, nikhat in kumkhat cu a liam ve lengmang.
Voikhat cu ka
hawinu he i tong ding in ‘kalama’ dawr ah kan I ching. Hnawh sare in cabuai
pakhat ah ka hung thu. Niruk ni hi LBC ah church choir ka cawng tawn. Atu zong
cu hla cawn dih in ka lawi pah si. Mah ka hawinu nih hin mah dawr thut lawng hi
a si cah hi ka hmun hi kan thimnak si. Tlangval he ai ching mi ko khi ka lo, a
ka zohtu pawl zong nih mah bantuk mit cun an ka zoh vir. Dawr ngeitu nih a ka
hmuh bak khin “Ding Chin” hraikhat a rak put colh ( cah hau lo in). Minute 15
hrawng ka thu cang nain ka hawinu a ra hlei lo. Ka dinmi zong cu a tawne te
lawng a tang cang. Ka lu kai kheuh, Hand phone le ka ken fawn lo, kenlo ti lem
ah ka nei lo hrimhrim. Mah lio ah cun ka hmaika disathlap tang ah hin tlangval
pa nga an hung thu. An mui zoh ah cun laipa an lo ruam lo. Nain, laiholh in an
holh ko fawn. Ka khuaruah har pah! MIT sianginn kaimi si dawh an si.
Hi tluk mitam
nak hmun i nungak kong ceih hna cu, an ngamh sang bak tiin ka zai. A chinchap
lo ah ‘laiholh’ in a si hoi. A thatnak cu keimah dah tilo mah lio kha laimi an
um lo karte siJ. Laimi khi cu kan mipum rup lo in
kan holh le kan hromring tuk kaw, huam lo zong ah ngeih lo zong ah an chimmi cu
ka theih hoi. Nain, ngeih nuam pakhat cu a si ve. Khua zong a ka ruahter pin ah
mah cabia te zong hi a van hrin chih. An bia cu a pin ngai, ‘taza’ zung ah
“taza ai cuaimi’ ko an lo ka ti. An pum le rua zoh ah cun laipa hi an rak men
lo ti awk an tlak. Yangon ah a thanglian maw an si hnga tiah lungaw ttawm in ka
um. Nain, angki shirt black colour ai hrukmi pa te kha ka zoh ah LBC ah ka hmuh
balmi or hmun khat khat ah ka hmuh balmi a lo tuk. A thli tein ka bih pah hna,
an bia zong cu ka van i zakzeh pah.
Aho paoh kan si
ah mah bantuk in hawikom he bia i ruah cu nuam kan ti cio ko lai. A bik in
nungak nih tlangval kong ceih, tlangval nih nungak kong van i siaherh cu van
ram hmete phak tluk a si. “sii bawipa nih aaaa siloh! Ka Darling nih kuak nai
phiat lo si cun keimah hawng ka phiat a ka ti, zeitin ka tuah la. Um rih! Mah
bantuk thil, caan sautuk rak tleichan tukmi hi cu huamsam in thlahte ding si ka
ti sual. "Na duh lo cun keizong ka zuu lawlaw ve la ti si le” kawile pawl zeitin ruahnak ka cheu
uh” a van ti. Ka mit cu arti pum ngaw in kai au. Hehehe, ( ka ni) a mui le a
sam le a biachim ai tlak lo tak. A kut in ‘London’ ai ceh pah. “ kuak zuk hi
tangriak ka kai lio ah a khu chuahter dan le zuk dan hi kawi thang sin ah ka
rak cawnmi bak si” tiah a van nolh rih. Special in training a rak kai ti nak si
cu mu. A hawile nih cun “London Thawng” tiah na min thlen si colh seh tiah an
capo colh. Nungak nak in ‘kuak’ a duh deuhmi zong cu kan rak um ve hoi.
Cakei!!!
A cal sam cu van
tawng in a zumter i a sirlei hi a hnulei ah a hei thawnmi ka lawhter. “ na
tonmi hna cu tenau tuk rih! Ka chungle ramchung ramleng nih tuthla chung tangka
kan in khua kho lai lo ti si. Leiba he
thlakhat chung hawikom si hau. Ho sin cawi ding hlei ka thei lo (nanmah dah
lo). Veisi, na lawr tuk an ka ti le hrem an ka timh bia. Sianginn kai lo in
rian ka tuan la le ka kuat chin hna la ka ti top ko” J
he he he nang cu aw…"Beer dawr” hi na phan kho peng le na chungle an mawh
hme maw? Beer Dawr Dictionary silo le “Beer Uk” tiah na min hi thlen lawlaw na
hau cang, an van ti hrawnghrang a mit au that zia! a mah belte a der pah! Slim
body si dengmang. Ka van zoh deuh, a hnakhaw ah hnatonh ai tonh ka hmuh. Skin
bawngbi ai hruk. Tek takmi si rih. “ummm, nu le pa nih salam pek vemi si la hi
mu..” tiin ka thawpi ka van chuah ciamman cu ka bat tuk ning.
Nan nih pawl
tonmi le tuarmi hi cu ‘ngapihyi’ ah a nok men ding an si. An lak ah ai capo
cemmi si dawh in ka hmuh. Nain, a lungre
theihnak hi hawidang nak in lian deuh seh! Ngan deuh seh! Thuk deuh seh! Kau
deuh sehlaw a lo. A mithmai a dul colh. “kadua le hna, nizaan ah kan sawng
neitu sin ah sianginn in ca pakhat a phan hoi. Attandence 75% a tling lo,
tutorial zong a tuah bal lo. Cun, zarhkhat ah ni hnih lawng sianginn a phan,
mah hmanh cu zaanlei ah hin khoi ka dek a tlau than” tiin ca a phan. A hnulei
ah hi tin si “ thaizing hrimhrim ah na nu le na pa pakhat khat he sayaci rak
ton ding” timi ai chap rih! Ka mit hi ka keng ah i benh sehlaw hmu hlah ning ti
bak ka duh. An zapi tein an van zoh! “kadua,nangte le sianginn kai hme a fialte
fial khawh na si ik pak lo cu, hi hmanh hi a tlawm, na sayama nu a that tuk bia
si hih!” tiah a hawile nih cun chim awk theih lo ah khin capo ah an hun seih.
Lunglawmhnak a
ton ah siseh, ngeihchiatnak a ton ah siseh, a kaa in a chim khawh lomi a lung
chung ah ai tlum lomi, bia fang in fianh khawh lomi, holh in chim khawh lomi a
in tuarmi pawl hi catlap cung ah pakhat hmanh hrelh lo in tial a hmangmi, a
hawile nih cun ‘kabia saya’ an timi si rua. Tlangrian thawh bang, tuthla hin
inn ‘sa-chot’ kan tuahmi dih cang lai. Inn thar kawl ah ‘puai-sa’ pawl hnu zulh
hrim a ka neng. Thantlang kan inn tangdot khi yangon ka khatkhat ah thial mei
ka duh a chimmi dih hlan ah a kehlei thumi angki vandum rong ai hrukmi nih a
van pial kanh.
“pasal ram tang
ah, cakei cio” pei kan si. Inn hlan kong hna ah cun ‘Nu nau’ pawl buai ding. A
herh sile lam kam zong ah teh zaankhat tham, fikfa rawl ah nai pekchanh ko la
tiah a hun capo pah! A mah ve zong cu
zei bia dek chim ding a ngeimi a lo ve. “tution man pek ding ka timi tha tuk in
ka fimmi a tlau rua ka timi a tu hi tlau lo in keimah nih ka hman vir. Zei ka
cawk zong kai thei loh, nikhat tlap khat tete in ka zuh lengmang le a tu hi a
ttemnak khairiat kual le KBZ timi catlap te lawng tang cang. Zeitin ka tuah ah
that lai, a rannak in thluak van chuah zok uh tiah hnawh sare in rian a van
fial ve hna. A nih te le tangka hi a kung in i cin sawhlaw dawh a lawh cuh, a
tangka hman cian bak, ai sum bak loh, nungak danghnak hrim ah cun a pum i pawn
hmanh a ngamh bak la ka ti ka coffe hrai tleih bu inJ
"Dollar Bawi, phaisa hi a kung hmanh in nei law nan gat peng thiam la, na
phaisa hman hi a tituk" Beer Uk theo hawi hmai zoh bak loin a van thuat
ko.
Voithumnak
coffee kai cah si cang. Ka hawinu phan hlei lo, ka lawi ve hlei lo. Kum 18-20
kar lak lai tlangval no tete bia phawngden cu ngeihnuam pakhat si ve. An kum
khua zoh ah ngakchia an si ti fawn lo. Tanghra awng in University kai cangmi an
si nain an bia chimmi, an i ceihmi, a lungre theihmi, le hnak kartenh in an
chimmi chung ah ‘Ram le Miphun’ kong ai tel lo pin ah ‘Lainu kong’ ai tel fawn
lo. Democracy le Human Right kong zong a pelte an chim hmanh ka thei loh. Tulio
ah a lar cemmi ‘CNF/CNA’ kong zong an ceih thotho loh, ‘Ram khel kong’ zong an
ceih thiamthiam lo. An cawnmi ca kong he pehtlai in zeihmanh an i ruah fawn lo.
A lenglei zoh ah cun ai nuam kho ngaimi hawikom rual an lo. A nuamh zong an i
nuam ko lai nain pumpak pakhat cio nih harnak, lungre theihnak, thluak fahnak
tbk a phunphun an tong. Cu khor chung in luat khawhnak ding ah lam an kawl hi a
si. Keimah nih cun Lainu kong hna ram le miphun kong hna ceih hna sehlaw mah
nak in ngeih ka huam deuh hnga le zeitik tiang dek ‘kalama’ dawr ah ka thut hnga timi ruahnak
nih dawr leng ah a ka chuah. Khua ka hoi, ni hin hi July 19, Bogyoke Aung San
ni tiah auhmi ni a si. Kawlram pumpi khirhfa he fa lo he zung, sianginn khar
vir a si ni ka hung i fiang. Ka kut cung suimilam ka zoh 6:00pm wow…4:00pm ah
dawr ka phan si kaw suimilam pahnih chung maw ka thut hnga tiah ka lu kai
kheuh. Ruah siamsiam in a sur, ka ni thawng nakpi cu ka van samh ve. Daw Suu
mui cuangmi zaal te cu ka hmailei ah ka thial i OBC lei ah 9693 Bus in ka lawi.
Date:
19/7/2010
A
hmun: kalama dawr
A
caan: 4:00pm – 6:00pm
Lovely Nancy