Mah
zaan kha cu zeitik hmanhah philh a um ti lai lo. Mileng room ah TV in tadin ka
zoh cuahmah lio ah, ti kholhnak room in kan nu a rak chuak, “Steven pa, ka ke
ah hmelchunh bantuk a chuak hi”tiah a rak ka chim. Nu Cheukhat hi, thil hmete
zong lianpi ah chim le a fak huaha lomi zong ah hmualhlurh ngaiin chim hmangmi
an um tawn le kan nu ke cu zei cu kha tilo in ka hei um ko. Amah zong nih
zeihmanh a chim ve tilo.
Kan
chungkhar a nuam. Hican kan nu he khua kan sa tti cang nain zeitik hmanhah
biafak le awhrang in a ka chawn bal lo. Kan chungkhar ah buaibainak pakha hmanh
kan ngei bal hraw lo. Company pakhat ah rian ka tuan, kan nu cu ngakchia he inn
ah hnokhnai le inn lei rian herh a tuan. Inn zohkhenh a thiam, thilri hi dawh
le duhnung tein fim a thiam. Rawlchumh zong a thiam taktak fawn. Overtime ka
tuan caan hi a tam deuh tawn, cu caah inn ka lawi a tlai deuh peng. Nain,
Steven nu nih hngilh loin a rak ka hngah peng tawn. A caan ah zarh hnihthum
chung hna khual ka tlawn tak caan zong a um.
Khualleng
ka chuah caan zong ahhin hawidang bantuk in, inn leiah siaherhmi pakhat hmanh
ka nei lo. Hna thiang le khingzang tein khual ka tlawng zungzal. Zeica tiah, ka
fale sianginn kainak kong ah kan nu cu zumh awk a tlak, bochan awk a tlak. Zaan
zongah ca a zohpi rih hna. Inn lei hnokhnai vialte a bultawl khawh dih. Kan nu
nih tlamtling tein a zohkhenh ko lai tiah zumhnak ka ngei.
A
mikip nih a fak lo le a cawithlir lo an um lo. “nan nu a fel tuk” an ka ti
lengmang, kai lung hmuih tuk ve. Inn ah mawtaw kan ngei. Condo pakhat ah kan
um. Midang hawi bantuk in 9:00am to 5:00pm tiang cunglei rian ngeitu Boss
mithmai zoh ding um lo tein, inn dai tang ah a um. Midang nakin a tuan zang a
dam deuhnak zawn zong a tampi ko lai.
Caan
tlawmpal kan van um ah, amah le amah a sining ai lungrumh le amah lawng Clinic
ah a kal. A checkmi result cu a hung chuak le “cancer”ti si. Keimah le keimah
zong kai zumh kho bak lo. A tha an timi sizung vialte ah result cu ka va zohter
hna nain “cancer” si an ti dih. Ka lungdong tuknak ahhin minthang ngaimi sibawi
pa pakhat sinah ka va kal than. A ka timi cu, “vun cancer si, 90% cu thi ding
in ai fiang” a ka ti. Keimah hna tein ka theih ko nain kai zumh kho bak lo. Vun
cancer cu tihnung tukmi si, a riantuan ning zong rangtuk tuk fawn a van ti
chap.
Caan
raulo teah sibawipa chim bangcun a hung si taktak. A ban, a el, a keng hrawngah
hmelchun bantuk cu an hung kharh thluahmah. A pum dam lo pinah a lungder
thluahmah. Kan iumh ka in nihin ni tiang, lu tak zawt fah le pawfah dah tilo a
ngandam zungzalmi le ai hliphlau pengmi cu ihkhun cungah mithi bantuk in a ril
cang.
Kan
nu um tilo hnu cun, rit te thi bang kan inn cu a king tuk hrinhran. Kan coka zongah rawl chumhnak meikhu ai zel
tilo, ti kholhnak le kan mileng khan ummi thilri vialte cu leidip nih a khuh
dih cang. Khuallam hlain ka thilrit kai thumh tawnnak kan ruun inn cu ka phak bal lonak hmun pakhat
bantuk a lo. Kan inn chung ummi thilri pawl he a thar in theihternak tuah lo ah
cun pakhat hmanh an min le a hman ningcang zong ka thiam hna lo, ka caah cun
thilthar lawngte an si dih.
Micro
hman dan, rawlchumh ningcang, coffee tuah ding le noodle chumh dan zong ka
thiam tilo. Kan thilri hna zong a hman dan ka thiam lo. Chun nitlak tiang bak
coka ah ka buai. Keimah tein chumhmi cu kan nu chimhmi he ai van le vawlei. A
thaw zong ka thei lo, a thlum zong ka thei lo. Thilri ka hman tawnmi tete zong
kha fawi le bai in ka la kho ti lo, an um nak zong ka thei hna lo. Kan inn ah
khual bantuk in ka um cang. Kan nu sizung a um hnuin leave ka la le sizung ah
ka um pi. Atu hnuceo in ka hung ifiangmi cu “inn chungkhar pakhat ah nupi fel
an um locun pasal le hna nih zeitin inn lengah riantuan in nihlawh an kawl
khawh hnga” ti hi a si. Zeitluk rethei thaba in riantuan hmanh usih law, chawva
zohkhenh le thancho ter a thiam lomi nu
an si cun pakpalawng an si dih ko. Kan thlanti cu ba hnah cung ti thlet bantuk
a si.
Nikhat
cu ka theihhngalh pakhat nih ‘Kun-Kyu’ ah mah bantuk vun lei cancer thlop thiam tukmi sizung a um
timi thawng a hunk a chimh. Hi bantuk zawtnak hi an damh khawhmi zong a um ko
nain phaisa tamtuk dih ding si. Thlop caan hi thla thum a rau i sing 30 a dih
lai a ti. Cu kongcu, ihkhun ah mithi
bang a ril komi ka nu ka hun chimh. Din nawn te khin “kan then siang hna lo” a
vun ti. A thazang ngeihumek in a hun chimmi thaw nih a ka tah ter. Zeitluk in
kan idawt le kan iduh timi ka hun teh.
Vawlei
cungah kan mah bantuk a dawmi an um ti hnga maw? kan tar tti lai, nun kan
ihrawm lai. Sampar tiang kan dam lai, tu le fa kan hmuh tiang kan ngamdam hau.
Kan fapa te zong zohkhenh hau rih. ‘kun-kyu’ ah kan kal lai. Kan nu a dam tiang
kan thlop lai tiah bia khiahnak ka ngei colh.
Tlawmpal ah kan office ah leave la dingin ka kal, “kei sining law ka
thlop bal hnga lo. Sing 30 dih chinchap. A dam hlei locun phaisa he minung he
sungh si” tiah holh thawng ka theih. Minung nunnak a sunglawi zia le man a
ngeihzia an thei rih lo hi ta. Kan dawt tukmi kan nu a nunnak khamh khawh ding
a si ahcun sing 60, sing 100 zong va si ko seh! Inn ka zuar lai, mawtaw ka zuar
lai….a nunnak ka chanh khawh ah cun kai lungsak thiamthiam ko.
‘kun-kyu’
kan kal hlan ah a herhmi thilri cawk dingah kan inn pawng super market pakhat
ah thil ka va caw. Christmas laite a si tikah thilcaw le dawr thil zohtu cu an
tam hrinhran lawng silo in an mithmai hrim a panh tuk hna. Mi vialte an
ilawmhnak he cun kai hlat tuk hi ta ka ti. Kan nu a dam tilo hnuin voi zeizat
dah ka nih bal timi ka ruat. Kan nu nih cawk dingin list a tuahmi vialte tling
tein ka cawk dih i leng ah ka vun chuahpi. ‘aw…a rit ngai hi teh! Hibantuk thil
rit hi maw a rak cawi peng ko hnga’ ka ti. Hi tluk thilrit mi inn van lawipi
dingcu thil fawi si tung lai lo, facang man zeizat si zong thei hlah, cite
cawknak khoika um zong thei hlah, keicu rian ka tuan. Phaisa ka hmu hi vial
lawng ka ruah khawh. Kan chungkhar ahhin keimah ka biapi cem tiin k arak iruat
tawnmi cu ka palh icikcek, kan nu hi pei kan zeizong te a si ko hi.
‘kun-kyu’
kan um chunghi chungkhar kan serhnu ah a thlumbikmi ni le caan pawl an hung si.
Thlapa thlathum chung ke karkhat hlat loin hmun khat ah kan um. Hmunkhat ah kan
ni, kan tap tti. Mah ti kan um tilo nak
hi kum zeizat hme si cang hnga???nungak tlangval bantuk in bia kan iruah lo nak
caan zong a sau tuk cang si. Thlakhat a vun rauh cun a hun tha deuh ngai, a kut
tein ka hruai le park chung kan len caan ah khin hlan lio kan life kong kan
iruah than tawn.
Ahmasa
bik kan rak iton lio, a hmasabik cinema kan zoh timi cu ‘Titanic’ a si tiah a
ka chimh. ‘Titanic’ hi a zohcia siko nain keimah nih ka sawmmi el a duh lo
ruangah a ka zohpi than biatu a rak si, ka hun ifiang. Liamcia caan cun ruah
ahcun lung a zur ko. Hmunkhat ah khua kan sa kan tiko nain lungduh bia chim
caan hmanh kan ngei kho lo. Dam mui taktak a hmu kho lo, san-pioh kan chumh
piakmi zong a ei kho tilo. Ka mithmuh ahhin a taksa a tthumchuk thluahmah. Thla
thum chung kan hun luh hnu ah khin “inn lawi ka duh” a ka ti. Cutin,
ruahchannak ngei tilo in tlun inn kan panh. A zualhma chin lengmang, a ruhkhua
a fak, a hum a ai. Domhtleih piak awk nih a tha tung lo.Zaan fatin ai hngilh
bal lo, a hrumainak thawng kan inn chung a zelh dih cang. ‘a nganfah chawn ka
duh tuk. A tuarnak vialte hi ka pum cungah tla seh’ ti ka duh.
Cikhat
lungfim in a thawh khawh lio caan ahkhin, bia rovuih phun in bia a ka cah tawn.
“na rawl chumhmi thaw tuk na ti tawn’ silo maw tiah a ka halt awn. Mah na angki
kha cuka dawr ah ka cawkmi si a ti. Ka takpum hi kan nu nih a ka thuamh i a ka
serhmi lawngte an si. Inn chungkhar pakhat zohkhenh le kilven a fawi lai lo
ning ka hun ifiang chin lengmang. A thih lain i thum a duhah, seh in thilsuk
ningcang a ka chimh. Hi can kan um tti nain voikhat hmanh thil ka sub al lo,
thilsuk zong k arak bawmh bal lomi cu ka
ichir tuk hrinhran. Kai sum kho lo, ka mitthli a tla thluahmah ko.
Athih
lai nikhat a duh ah a lungduh bia a chim “kan wedding ni kha kai nuam bik cun
kun-kyu ah thla thum chung kan um mi hna ka life ah ka philh ti lai lo ee” a ti.
Ka lungthli in “keimah ca zongah ka thinlung catlap ai tial ding ni le thla an
si. Ka rian promotion tuah ding vial te le kun-kyu kan um chung kan dihmi
phaisa vialte le nangmah tahchunh cun cu hna cu thilri sawsawh men lawng an si
ko. Mah thlathum te kha rak um hlah sehlaw keimah le keimah ka nunchung kai
ngaithiam kho lai lo. Dai tein a kan thih tak ko, ‘na nu cu hi lamhla pi ah a
um. Cuka hmun cun a kan zohkhenh ko lai.Nikhat khat cu kan itong than hna lai.
Keimah hi na pa zong ka si, na nu zong ka si cang’ tiah ka fapa te cu ka chim.
Atuhnu
ahhin hawihngar in a um sual lai ti ka phang. Chungtling tein kan rak len
tawnnak hmunhma hna kha kan kal ngam ti lai lo ee. Ka fapa sianginn kai ding ka
van timhtuah, zing zaan in rawl ka hun chum. Thil ka van su, zaan ah ka fapa ai
hlau, mitkuh cim loin ka awih. Market ka kal, hi vialte phunzai lo tein na rak
tuah zungzal ko mu. Nu saltha, kan hlam tuk ee. “Steven, na pa hi phaisa a kawl
i a ba tuk” na rak ti tawn nain keimah tluk in na rethei tuk ve ko.
Kan
pafa caah hin a biapi tukmi minung na rak si, atucu ‘kan ilawm’ kho ti lo. Kan
inuam kho tilo. Mikok tlong ka si, “Dawt” tiin auh zong ka hmang bal lo nain a
nih nih cun a rak duh tuk. ‘kan dawttuk’ ti khi rak chim lengmang ding zong a
si ko nain chim ka hmang bal lo. Keimah le keimah tu hi a rethei cemmi le a ba
cemmi ah a rak iruat tawn. Mah zawn lawng ai ruatmi pa ka si ee. Korea flim a
zoh tawn ahhin a tap lengmang theo, ‘na tah bek tuk’ tiah ka capo chap tawn.
Atucu, na thlan lung cungtu ah “Dawt” ti ka tial. “Kan dawt tuk mu”.
Nu
vialte nih theih an duhmi le chim hna seh ti an duhmi “Kan dawt tuk” timi bia
hi kun-kyu i thlapa thlathum chung ai thlop lio ah khan nikhat voi thongkhat in
ka rak chim hnga lo.Credit:
Nine Nine Sanay