 |
| Paletwa |
 |
| Paletwa |
 |
| Add caption |
 |
| Kha-ann |
Facebook ah hmanthlak tar ka huam ngai. Abik in khualtlawnnak hmanthlak hi tar hlah law phaisa kan in pek lai ti hna hmanh sehlaw ka duh hnga lo, ka tar thotho lai. Aruang pahnih in ka um. Cu pahnih ruang ahcun khualtlawnnak hmanthlak hi ka tar lengmang mi si. Nain, mi cheukhat caah cun ka hnulei keng in nam sawh bantuk khin a rem lomi le phundang in a ka hmu mi nan rak um, nehhnu lawngah kai theih. Cucu, thil tha lo taktak a si tiin ka hmuh. Mino, kan si lio, thazang kan ngeih lio, kan pumsak a dam lio le a thawn lio ahhin Pathian nih khuaruahhar in a sermi vawlei hi minung kan mit hrimhrim nih hmuh ve dingah thil phu tuk a si. Kan hmuh ve ding le kan phak ve ding zong an si fawn. Ka hawile cheukhat riantuan mi zong hi ka ti lengmang hna, vacation hi chuak pah uh! hmundang kadang ah khualtlawng pah cuh! khualtlawn hi thinlung zong ai hliphlau, hmuhmi zong a kau deuh, mit hmuh kut tongh in ca cawn bantuk a si ka ti tawn hna. Nain, a cheukhat nih cun "phaisa kan ngei lo" an ka ti lengmang. Keimah zong hi phaisa ka ngeih tuk ruangah le ka ngeih hleihluat ruangah ka tlawm silo, "kai khon" phaisa kai "khon". Phundang cun, ka ngeih cia mi thilri pakhat khat maw?silo ka herh huaha lomi thil cawknak tbk phaisa kha kai "khon" le kumkhat a liam cun khualtlawnnak ding hmunkhat caah a dih ding phaisa cu a chuak kho. Voikhat lo ahcun zeitin sianginn kai pah, rian tuan pah, mah tein paw cawmnak he cun zeitin kan tlawn khawh khe lai, si kolo maw? Kan mah tein caan ser kan thiam a hau. Khual tlawn na duh taktak a si ahcun- na pocket money kha save khawh izuam. Rak try chun hmanh!
 |
|
 |
| mawlamyiang |
Asia ram chung, Thailand, Singapore, Vietnam le Cambodia tbk hna hi visa hal hau lo tein tlawn khawhnak ram an si. Adang Philippine tbk zong an um ko. Mah kha budget airline pawl in man fawi tein tlawn khawh si. Air ticket tbk zong hi a hlankan tein booking tuah cia ahcun Yangon in Kalaymyo vantlawng (one way ) man nakin a tlawm deuhmi a si. Chim duhmi cu mah bantuk tete zong hi kan mah nih kan itimh taktak ahcun kawl khawh le hlat khawh thiamthiam asi. Khah! khualtlawn kan forh tuk nak hna ah tial kai timhmi ka philh deng khah!:-)
 |
| Mawlamying |
Pakhatnak: Hmanthlak timi hi cauk pakhat bantuk asi. Kan hmuhmi kan ton mi vialte midang hrawmh khawh ding le thingkuang chungah ifim ding ah kan nehhnu a kan fimtu asi. Kan tar tik le kan phak khawh lo tik ah siseh kan rak kal cia nak hmun le hma kan ngaih than tik caan zongah hmanthlak te kha van zoh ta duak! khawh a si cu mu..... cu caah khual nan tlawn tik ah cei lak in hman ithla lengmang uh! FB tbk zongin rak kan hrawm pah tawn uh mu. "hmanthlak timi cu tuanbia cauk" a si.
 |
| ka duh bikmi hmanthlak |
Pahnihnak: Midang hrawmh ve hi a si. Mah pumpak hakkauhnak le laar duh le uan (caw ngia) duh ruangah a si bak lo. A phan kho ve lomi le a hmu kho ve lomi caah siaherhnak he hrawmh ve kha asi. Cutin, keimah hrimhrim zong hi vacation kal kai timh ahcun a kal ciami nih an tialmi le hmanthlak pawl ka zoh hmasa peng. Phaisa dih in kan kal tikah a phu taktak maw tihi cuai thlai thiam a hau. Ramchung hmun dangdang tlawnnak zong hi ka post huam ngaingai, kan mit nih ramdang tlawn rumro zong hi a cuanh ding si lem lo. Ramchung zongah hmun nuam hmun tha tampi kan phak khawh rih lomi a um ko langhter duhnak asi.
 |
| Genting Highland |
Bia donghnak: Rian he khual ka tlawn hi a tam. Keimah te cun vacation hi ka la tuk theng lo. Nain, rian he ka tlawn caan zongah hmun dangdang he kemh chih ka hmang. Rian he si zongah hmanthlak cu ka tar thotho hoi. Cucu, midang caah hnahnok a rak si rua. Phaisa a ngei tukmi le phaisa hi duh paoh in a hmang khomi ah an ka ruah chap bei, ka lo. Mirh zuai in hmanthlak pakhat cu ka post ko lai nain cu hmanthlak phen ahcun rian he kan si tik ah mit kuh cim lo hna in kan um caan a tam tuk hrinhran ve. Nain, kan mah le kan mah kha enjoy tuah thiam, tuar thiam, pah thiam kha a rak biapi tuk ve.
 |
| Casino |
"Rian hi a chuah pi mi lung retheihnak le har nak vialte hmu lo in kan mirhnak hmanthlak te kha zoh in a duh paoh in a tlongleng" nan van kan ti cang ahcun 'laimi kan cem si men'. Khah! khual ka tlawnnak hmanthlak tete kan hrawmh hna, a thar cu ka ngei lo. Hmaithla in ka ngei te la mu.
 |
| Paletwa kal lio. |
