Beyond The Mountain Catial tu le Keimah (ေတာင္တန္းေတြရဲ႕အလြန္)

Ponnyn Khin

Ponnyn Khin he iton nak

Chin World Media Team

“ngaknu dawh pakhat le a chung i a ummi duhdawtnak le nunnak kongah a tlungmi thlen nak kar lakah duh thimnak a tuah tu Nuampi timi ngak nu le kum 18 ka tlin cun Malaysia ah ramthumnak kal dingin chuahsemnak laihri tannak khua cu pakhat hnu pakhat a khuptti rual hawile nih an chuah tak duahmah. ‘keicu, lairam ka zam tak lai lo. A thihnak ah ka thi ve lai. A nunnak ah ka nung ve lai. Lairam ah ka lu kai phun ai timi’  Salai…….le hawikomnak in duhnak lei tiva ral ah a petmi Muanpi le duhnak lamke ah hawikom tha sinak vialte hmaichonh in ‘Salai, kan duh’ a ti ngamtu…Parte. A cunglei kong he pehtlai in Kawlram ah lenhloi tial thiam minthang pakhat a simi “Ponnyn Khin” nih Chin State (Laitlang) hrambunh in a tialmi. Amah pumpak bak laitlang ah voihnih bak a tlun lawng silo in Lai mino le upa hlan lio kong a theimi he ton biaruah nak a ngeih hnu ah laitlang fing le tlang kong, kan khuaram le laimi kan dirhmun le ramleng ah mino tete nih kuli tuan in ramthumnak ruahchan in refugee dirhmun in kan nunnak a liamnak kong le mi ramdang ah mitthli tla le chuahsemnak zuun ngaiin ramtang ah khua kan sak ning le Electric zong a um lonak ram mui pakhat bantuk a simi lai khuate ah ‘duhdawtnak peihbuan’ chungin a luangmi kan ruahchannak hna cu kan fing le tlang hna chuankhin in “Beyond the Mountain (ေတာင္တန္းေတြရဲ႕အလြန္)” tiah min a pekmi 2017 kum ah a hmasa bik a chuah dingmi lenhloi cauk a si. Kawlram pumpi a ca reltu pawl nih an hngahhlang tukmi le rel an i ngeih tuk cauk pakhat lawng silo in duhdawtnak karlak ah chan tiluan nih a chuahpi mi harsatnak nun i thennak le kan khuasak ning tbk zong tampi a tial chih.

Cu, a cauk kong he pehtlai in nizaan ah Chin World Media he interview tuah ah kan kal. Mino hni ah fenhmi a tawphet tiang a sam a saumi, mi pumrua tha, voikhat zoh bak in mit ah le thinlung ah a cam colhmi, Ponnyn Khin nih inn khar a van kan onh. Bia ruah a nuam, laitlang a tlun i chokhlei par le Bingbir par a hmuh hna nak kong, kan fing le tlang ai dawhnak le tlangpang chukcho a kainak kong le a cauk kong a kan chimh dih hnu ah bia ruahnak kan ngei kho.

a cauk kong bia kan iruah lio

Keimah pumpak hrimhrim nih ka uarmi le kai zohchunhmi catial thiam pakhat a si. 2015 hnu leiin a catial mi paoh hi movie thlak dingah an hal le cauk lawng silo in Movie leizong ah hmunhma tampi a hung la. Cu lawng silo in, 2015 ah a hmasa bik a chuahmi cauk “အထက္တန္းစားေရ” timi cu movie an ithlak cuahmah lio pi a si pinah  “mirang ca’ zongin leh ding le ramdang ah zuarzamh ding tiangin timhlamhnak an ngeih cuahmah lio pi a si. A hleiin ka uar khunnak cu, a cang taktakmi thil sining cungah duhdawtnak lawng silo in nihin kan ram thlihran le thil a cangmi kong he pehtlaiin ca a tial khomi si. Duhdawtnak lei lawng ah silo in khuaruah khawhnak le thazang lak kho tiangin mipi message a pe khotu a si fawn.

Atu, Beyond The Mountain timi cu page 400 reng lo a si tikah a cauk hi a chah pah. Culawng silo in ‘limited Edition’ tian chuah zong ai tim fawn. Ahlan a rak chuahnak he ai phundang deuh in chuah a timh. Cauk a chuah tik zongah mipi (ca reltu) he ton nak zong a tuah chih lai. Atuhi, mipi nih mah cauk cu an cuah lio cingling a si. Laimi hi kawl ca relmi kan tlawm ngai, a bikin mah sayama nu ca tialmi zong hi a relmi kan tlawm te ko la nain Chin miphun a kan dawtnak le a kan zawnruahnak ruangah hihi a tialmi a si. “a hmasabik laitlang ka rak tlung ahhin nan fing tlang hna nih ka thinlung chung ah fak tuk in hmunhma an lak, nan ram in ka kir than hnu ah hin khua ka ruat le mah cauk te tial ding  ah hin kai tim” a ti.

Aho paoh nih, cawk le rel I tim cio hna usih! Ai timh ning ahchun mirangca zong in chuah than ai timhmi zong hi Chin mi kut cungah phan ve she timi zawnruahnak in a siko. 

Catialtu (Ponnyn Khin) le keimah

Related Posts