 | |
| U Bawipi ( Kum 18) tlin ka lawmh lio. CRDP Dum at Thantlang |
A
Konglam: tuzaan kan hlasaknak hi Bawipi kum (zeimaw
zat ) tlin lunglawmh thlacamnak le rawldum tinak in a hung i thokmi zuun hla
saknak a si. Cupin ah hlasak sawsawh lawng silo in kan sak duhnak a ruang le a
tuanbia zong van langhter chih a si tik ah a ngaitu ca zong a satu ca zong ah
lung a hmui khun.
Hlasa: Leng Ram Hlei Par, Leng.keimah,
Leng Mah Sung, Leng Sui Hniang, Val Pa Hre, Val Bawipi, Val CBThawng, Val Elvis,
Val LingLing, le Val Aben hna kan si.
Ahmun: CRDP dum
Acaan: 6:00-11:00pm
Ani: April.8.2014
Band: Democracy
Lunglawmhnak:
Uico zong kan that lo nain tuzaan zuun hla saknak ah a kan telpi khomi Pu silo
ah! Val CBThawng cung ah le Uico thah lo ruang ah a kan telpi kho lomi Val Sang
Hnin Lian cung ah a hmasa bik kan lunglawhnak cu hi capar hin langhter kan duh.
Kan i hrawm dingmi zaan riah a kan tawlrel piaktu, chumhchuan lei he a ei lei
he a kan tawlreltu Leng Parku a nun khua sau in veimalo zau nak hnga hi capar
hin thlaza kan cam piak i a cung ah kan lung ai lawm fawn. Cun, tuzaan zuun
hlasak nak ah The Chinland Post Media lei in news la ding ah senior reporter
Val Elvis cung zong ah kan i lawm hrinhran, a rau hlan ah a tu bantuk in BD
night show kan tuahmi zong hi The Chinland Post cathanh ah a chuah lai ca zong
ah kan lung ai lawm thiamthiam. Kan lunglawmhnak kan chim si cun Muko uk khat
hmanh nih a tlum lailo ca’h hi vial hin record latu keimah nih ka donghter.
Sawmnak:
tuzaan kan hlasak nak ding ah ringawn a kan tum piak tu ding ah kan hlanmi hna
cu ‘democracy band’ an si le a satu zong nih democracy bak in kan sak ve ko
ca’h a ngaitu zong nih democracy in nan rak kan ngeih piaknak lai a hmasa bik
ah sawm kan duh hna. Cun, hi hnu pin lei zong ah CRDP dum ah hlunghlai ngai in
Birthday Party tuah khawh a si timi thawng zong thanh kan in duh fawn hna.
Candle
vannak le BD cake khuainak: Hmun kiken ah cun,
cake ngaingai le candle ngaingai van tuaktan awk zong cu a har nain Parku nih
meithingthu sen a alh cuahmahmi a van zuh, kan dih lak in kan van kulh, ‘Happy
Birthday’ hla kan hungsa, Bawipi nih meithingthu cu a van chem. Kan kut bengh
thawng nih ramtang zu le va an thinphan in an thi hrulh lai dah ka ti. Meithingthu
bak Birthday cake i van hman ko cu mu kan ropui bak hih. Birthday cake can ai
ah ti si hoi le khengkhat in Parku nih rawl a van kan suah. Mah le size cio in
arsa cu hun thir cio a si. Kan zaan riah zong cu lung a hmui kho sing tuk le tutiang
hi philh khawh ding in a um lo.
Wishes
tuahnak: tuzaan caan a kan tlaih piaktu hi
camcawh fung zuh bak in kan thimmi si. Zei paoh hi ai changchang te in a kan
hruai. Mi hruai cu a lak ci te si kaw, a mah ngelcel si hlah sehlaw, kha zaan
ah khan kan i seh vir hnga. Hma le rung he sizung phanmi hmah kan um hnga lo
maw. UBawipi he pehtlai in siseh, chuahni lawmhnak bia ro cu kan van vuih. Ni
khat hnu nikhat in a paw a thang thluahmah mi hi U LingLing a lung re theihnak
kong, a mit benh power tam tukmi kong ah “ zeitin nungak cakuat te hmanh na
tial khawh tung lai lo” tiah Chairman U CBThawng nih a lungtap tukmi bia a hung
chim. Kan dai vir, U Bawipi, paw le ha, mit le hngar ah kan mit tai bat dih. Mi
lai tlangval te, hi ti rumro tthihpheih hna hi tiah keimah nih “nungak hmur ah
cun na min um peng ko rih, hi ti ningte in uico hna na thah ti lo si cun, nupi
ngei hmasa cem na si te lai” tiah ka van hnemh. A phunphun khin, kan an soi
pah, kan fak pah, kan tthih pah, thluahchuah kan pek pah.
 | |
| tuanbia ah an cang dih ko ee. |
Hlasaknak:
Khuachia lakphak cu Aben nih savo phawt ruam khin a van kan phawt. Hramthok
thlacamnak zong kan ngei kho ti lo, kan khuachia lakphak hi tuzaan cu OB maw an
cawh hnga tiah Cikte pu zupu a ka ngaihter. Ahmasa bik ah hla a kan sak piak
ding cu ka kehlei kam i a thumi tuzaan lei i chuahcam tuak kan lawmhmi Bawipi
upatnak he kan sawm tiah chairman nih ruahlo khin a van auh. Phiang phiang
phiang…..kut benghnak he kan van sawm colh ko. Tuzaan kan sak dingmi cu
“Khenkham Hnu Dawtnak” timi hla a si lai. A thiammi nan um sual ah cun ka hnu
in nan van ka zulh ve la. Lai hla sak thiam Dawt Hlei Hniang nih sakmi a si. Ka
aw ngai lo in a biatu nan ka ngeih piaknak lai a hmasa bik ah kan nawl hna.
“Duhlo dawtlo ruang ah silo, nu pa khenkham ruang ah….” Hi ka hrawng a phanh
hin cun a celh ve ruam lo milai pasal pi a ni thluahmah ko. ‘a bia ka philh le
hi vial hin si ko ne seh! Ka hun i ruat lai le ka theih than sual sicun caan
kar lak ah ka sak than te lai” a hun ti ko. Kan chairman a hmai chia bak, holh
lo pi khin a kut dong in U LingLing a van sawh, nangmah caan ti phun khin.
“Hodel in California” timi hla bak a van thuat ko. Amah tein Guitar ai tum chap
rih. A mit benh si rih. A zoh awk tam khawh ning. California hi ka phan bal lo
nain hi hla hi cu ka uar ngai, tanghra ka kai lio tein ka uar cangmi si. Hei
tuak ah cun a tar ngai cang. Keimah pumpak he zei hmanh ai pehtlai lo nain ka
hla thiam chun le a bia fang tha tein ka zahmi cu hi hla pakhat lawng hi a si
ca’h tuzaan ah hin ka saknak si a van ti. Kan dihlak in kan thawpi kan hun
chuah.
 | |
| Candle vangtu Ka maw Parku |
Mui lawng zohnak in a aw van ngeih chih cun, vanmi hla remh bu
maw CRDP dum ah tlongleng hna van i awk in “ Thal khua pau cun meithang zam nih
mi lung an hlau chialmal” timi hla Zing Zing nih sakmi bak Guitar tumh lo in a
van thuat. Kan ar vir. Kut bengh thawng nih a hun lawmh. Mui le zaan hi thal
khua pau van ti zong cu ai rem lo ngai nain a satu cu a tap deng. “hi hla hi ka
uarnak a sau tuk cang, a hla bia he pehtlai in chim ding cu ka ngei lo nain hla
satu Zing Zing aw hi ka uar bakmi si” tiah Leng Mah Sung nih hlasak mi hmanh a
dih hlan ah a van phisin hmasa. Zei si paoh mi pakhat khat zuun cu tuar dawh in
kan hmuh ko. A chim lo sawsawh le si tiah kan purhdah. Guitar cu a van banh
phot, a tum len nain key a remh kho lo “hi tin a bia in chim ko ning, ka sak
zong ah saklo he ai lo thiamthiam” a van ti vial ah nih sii vorhmi bang, kan
vio. “tuzaan ka rel dingmi hla cu ‘tilcai par dawh’ timi Thawng Bawi nih sakmi
si la. Lung a kuai, tuar thiam a har, dawtmi nang he then ding cu….” Byheart
bak in a chim thluahmah. Meithal he dir onh zong ah dir dawh in a um lo. A
phuahtu Thawnga plz tinak zawn ah hlasa tu Keimah Elvis..a van ti hrawng kha
dah, mitthli tla lak in kan nih si lai ka ti. Elvis zong nih reporter lawng
silo in speaker zong si lawlaw sehlaw a ti khawh thotho la.
U Pa Hre nih “liam kun law, nang cu lung
khuaitu, keica tahnak par. Na lungtlin lo ca’h philh har hmanh seh, kan dawt cu
nang nih na theih, duh thimtu cu nang na si. Dawtu thei lo dawtmi aw….”timi
hla, naite ah Sui Lian nih “ A Um Lo” timi album ai chuah tharmi chung in a van
sak ve. Hi hla bia kong he pehtlai in zei hmanh ka fianh khawhmi um lo. A hla
bia hi tha tuk cang le hi hlei in nan fiang khawhnak ding bia fang um tilo”
tiah a holh kho na lo in a van chim. Kan zapi tein kan ngeihchia dih. Ruak
thlahmi ko kan lo, kan mit kuak ah mitthli ai dil. U PaHre zoh ko ah hin
khuaruah tam in a um. Nungak lei ah cun a van chia kho sing tuk ve.
USui Hniang le Aben le UCBThawng nih
ceilak a van sak. Kan music instrument zong nih a kan tuar ti lo, Guitar hri a
cat, khuang le dar zong an tap dih. Atu cu keimah caan, nangmah ca’ hla
fungkhat kai thawh. Keimah nih ka sak fawn lai. Na mit ah ka hmuhkhawhmi bia
pawl kha na hmur nih a chim lo. Nai sum ca’h maw, na ai pom peng. Valdang
tangpom ding cu na ruat kho fawn tung lo, na ka banh ngam fawn tung lo. Sicun,
chuncaw ei kha ka sawm ti hlah, sianginn kai zong ka sawm ti hlah, rak ka care
tuk hlah, kan duh na ti tung lo cun mah
pawl kha caan paam in na tuah awk silo. Duhmi dang na ngeih hlan lo ma, na ka
tuai lai. Mi nih “nan i uar ma?” a kan timi khi ka hna khat in theih peng, leh
peng ka zuam cawk lo. Nu pakhat ka si tik ah, a hmun, a caan, ai relrem ning in
ka langhter, kai zuam tuk nain mit na chinh hnu cun zeidah na hmuh ti hnga.
“hawihlei in muidawh na si zong kan hngal lo, hawihlei in mi cungcuang na si zong kan hngal lo, hmanhseh hawihlei in kan dawt cu ka hngal, ka thinlung mit na hlang khun ka ca ah na sung khun ko”
Cho: Phuang cang law, kei sin ah kan
dawt tuk tiin, na lenrual hawi sin ah khin lungsi tein um ve ning. Lungtuai si
vang um hi ka celh hrim ti lo, nang le kei kan kar ah tleihchannak maw dawtnak,
a tluang ko nan a fiang lo kei ca’h. Ni Hlei Sung nih keimah ca’h a sak ti ruam
in, ka van thuat ve ciamman. Thihsi vorhmi ko an lo, an dai dep. Zei bia hmanh
an ka hal lo, an ka hal ngam lo, zei ruang ah a tluang ko nan a fiang lo hme
cu.
Nain, kan hgnah peng. Nikhat khat cu ka
sin ah “Kan duh”timi bia na phuan te ding ni le thla ka hngak ko.
June- Muko Mekazin- 2014