 | |
| Keicu thlapa nang cu mawtaw (Hman-lung) |
"kum 3 hnu
ah kan i ton si lo maw? a ti pah khin coka in a rak putmi Mokey coffee hrai a
hun ka chanh pah. Coffee hrai maw ka lak hmasa lai a bia dah ka leh hmasa lai
tiah kai laklawh. Zeitin kum 3 a tlin manh, nizaan bantuk tuzaan lei bantuk ah
ka ruah rihmi caan chung ah zeitin tuzaan ah a hmaika ah ka thutzia si.
"awsi, tuan
ah rak i tong usih law tha chinchin hnga ti.."
"sicun, tuzong
a tlai rih lo tinak si ko cuh" tiah a van ka leh. Coffee hrai cu kai lak.
Ka hun bih cu, a ti dam deuh vak. Kei hi coffee din ah ti tampi in a ding balmi
ka silo cu zeitin a tu lawng ai hmumi nih cun a theizia hnga. Kan karlak ah
meipung pakhat lawng nih a kan dan, nain kan bia kan i thei kho lo, Kan holh lo
ah a fiang deuhmi le a thang deuhmi kan lo. Kan dai tuk, hi khuasik zaan ah hin
kan thawh ichuah hnawh in ai lumh ding kan si nain kan dai. Thinlung zong a
dai.
"Internent
in maw kan i chawnh ko ne lai, biaruah awk kan thei ne lo ti teh" tiah nih
bu hmaikhap lo bu awlokchong ngai bu in a hun ka hal. Kum 3 chung bak internent
in ai chawnmi kan si le kan mawh bak lo tiko. Zeitin bia van thok awk zong
milai pasal ai harh bak. Kan i zoh, kan
mit ai tong, kan ni veve.
"thantlang
khuachung ah teh! Wifi free kawl ah kan i thawh ko lai" tiah ka van capo.
Nih a duh nain ai summi ka lawhter. Cu vial ah hrai kha a lak le a kehram a
chiahmi Coffee din a van timh, a hmur le hrai ngiang ai tong vial ah Coffee a
dih a hun i fiang. Sum lo in ka ni" a dih cangmi cu din than na
timh",tiah "hee a um rih rua ka ti cu teh" J
Cu luklak ah cun
slm 10 a tling manh hoi. U Thawngpi te inn ah sa em in a rak kan hngakmi kan
hawile sin ah kal kan i thawh pah ve hau cang. Ruah siamsiam in a sur, a
nikhua, a khua caan le a hmunhma, Zunghmun sang hrawng zaan tim i ruahsur ko cu
lungleng le thlavai kiang ngai khin ka um. Cu vial ah cho kan hun chuak, a ban
kai tleih "na siam rem maw?" tiah hmaikhap lo ngai in ka hal, lam a nal
pah cah nithawng van i zawnpah chinchap cun tleih lo awk zong cu tha ve lo le
mu"rem tuk hme teh" a ka nih pah. Khuasik lak i kai tom khawh ning le
ka hmur zong a khawn dihmi hi kik lak zaan tim ah hin zei cah na ban kan tleih.
Ka taksa he ai seng chihmi ka kut, ka ban, ka ke le ka khup ka zei zong vialte
hi an thianghlim dih. Zei bantuk thawnnak nih dah a ka thuam i, a ban kha fek
te le raltha tein kai tleih khawh ning kha si hnga? thinthi kho lo in ka ruat.
Hiti khua ka ruah cun thawh ka tlai lai cun Puri ka ting hoi lai lo tiah
hramhram in ka mit kai chin, mei ka hmih, ka hna kai phit. Zaan Mang in Chun
Mang ah.
################
Hi
ngaknu nih hin hawi he ai dangmi ruahchannak dahra a ngeih, silo ah kamh lomi thli
sawsawh men a thawng lawng ai theihmi, ruh nei lo hmur in chim sawh menmi maw a
zumh? A pawngkam ah chun le zaan, nitin zaan tin an hum zual, a duh an zulh, a
herh an tuah piak, a lungtlinter an zuam peng, zapei in mithli an donh piak. Hi
lei in ho val nih dah a lung an zulh khawh hnga nain a duhnak an tlinh kho lo.
A mit in a hmuh, a hna nih a theih, hawikom hlei in zeidah ri an lonhmi a um,
mah bantuk tlangval hna sin ah a uai menmi tlangsangpar sawsawh ah ai siang lo.
An kawl, a duhnak an kawl, hmuh piak khawh an izuam len nain an nganh peng. Ho
nih dah hi ngaknu thinlung a theih khawh bik. An lamh ttimi vawlei ai khat ko
bu ah a thinlung an hliphlau kho lo. Mit nih hmuhmi le thinlung nih hmuhmi ai
khat tawn lo cah duhnak hi a zuangzam ti ding men a si lo.
"hmanthlaknak
in a leng ah nai dawh deuh"
"ummm"
pheh thuh lo te ka ningzah in ka thi deng. A velhlei zong si kho men ko lai
nain ka zoh ngam set lo a ruang cu ka makeup a chah pah le arsik le zeidang
pawl a hmuh fian khawh lo si men lai ka ti.
"ziah!
Mah vial lawng maw na si? A sang tuk ah pei kan ruah cu" kan van dir tti
ah khan ka khuaruah har, keimahnak in tampi sang ding ah ka ruah. Aniam cu silo
ka shoes kha tlawmte a sang pah ca zong si lai cu.
"hi
vial lawng ka si kan ti ko tung, ka sang lo kan ti kha" a aw sang pah,
keimah chinchap ah lau ka hman he, "si hlah, na niam kan tilo eh" nih
bu in ka van leh vial ah kan dai. Ruahsur lak ah cek lak ah lam cung ah ka
kemit tiang a phanmi a angki fualpi ka hruk. Kan inn lei ah ka thli ka kal kho set tilo nain ke in kal ko lo ah
puak ka hau rawh.
"tuzaan
cu puak na ka kamh kha awh"
"na
kal khawh lo tik ah kan ti komi" a kal kel tein a kal ko, zoh lo in a ka
leh. Ka dir "tu ka kal kho tilo ruang ah na biakam kan cawhmi si" ka
hmur kai bo, ka kal kho bak ti lo. Kar khat van i hnek ding zong ah thazang ka
ngei bak ti lo.
"a
der ngaimi ah cun na rit ngai hi mu" tlawmpal a ka puak vial ah a ka thumh
than.
"aaaa,
si hlah! Ka der lo dahkaw, ka thau lo le si, i hne chih ko, na chanchung ah nai
chim ve ding si lai hi awh" a keng cung cun tha ka hei pek chih. Amahnak
in keimah ka rethei deuh, nain lawmhnak in ka khat. Fawi tein tlangval pakhat
kut hmanh a tlai ngam lomi nih misingpi pakhat keng cung ah minute tlawmpal te
chung kan tak ai tonghmi ka siamrem than lo.
Suimilam
168 chung ah vawlei pakhat, khuatlang pakhat ah zarhkhat chung kan thaw kan
ihrawm. Pawngkam le rawlchan hnu chit in ka lungduh ka zulh, hnangam le lawm in
ka thu dir, keimah le keimah zong kai philh. Na rekiang ka um ah hin ka hmuh
khawhmi nangmah lawng na si. Ka ruahchannak leng in na ka lawmhter, caan tawite
chung ah kut sih in lam kan leng, kan ni, kan i dawi, bia kan iruah, na ka
zohkhenhnak cung ah kai lawm, zeitik hmanh ah philh ni a um lai lo.
Aye
Chan car gate hram ah, minung a thlahtu cu a kalh in an i kalh. Cungbawinu te
in tung phen in ka zoh ko. A langhlat in
kai lungsak, ka tap lai ti ka phang tuk. Pakhat hnu pakhat a chungle pawl kut a
van chanh hna vial ah khin duhsah tein ka mithli a tla, ka hnawh zokzok, a ka
hmuh lai ti ka phang. Hi lio caan hi tuar a har ti ka theih tuk ko bu ah nih kai
zuam chih.
"kan
iton thannak ding cah kut tleih siseh" a kut lumte a hnu bik ka tleih si.
"thennak
cu ton thannak lam sialtu a si ko cah, kan nithla relnak ah hin ton thannak
caan um seh" zei kar ah a tang kai bek hmanh ka thei lo. Zalam cung in
lakphak dawr in a rak chuakmi le kut tlaitu sawhlawh vialte mit ah kan tang.
"zei
bia hmanh kan kamh ngam lo, ruahchannak te hmanh an pe ngam lomi, san a tlai lo
tukmi ka sining le dotla lo tukmi ka dirhmun ah theithiam nak he na ka dirpi,
zarhkar khat chung nuam tein caan kan hmannak cung ah kai lawm, zeitik hmanh ah
ka philh ti lai lo, Kan dawt cu ka theih, ka then sianlo zong ka nun nih a teh,
ka dawtbik" a kut a thlah, a bia dongh cun thlitu nih a huaimi ruahfang
bantuk khi ka biang ah tla hna sehlaw ka dawhter. Thennak pinlei i ruahchannak
phen ah zuun ngaihnak, tuarnak le lung lileng nak he kan "Zaan Tim".
"Zaan Tim"
Ruah
siamsiam in a sur
A
nikhua le a pawngkam.
A
hmunhma le a thlihran
Kan
sining le kan dirhmun.
Kan
biaruah le
Kan
zalam.
Zunghmun
sang le pee puri
Thlawhtloh
pan ah tuan te ih.
Lungfim
lo ngakchia bang
Cipmi
hmur sin ah
"na
ban kan tleih na sia rem maw?".
Kan
sang kan zawl
Kan
zaan tim le kan keneh
Khirh
tuantu um hram seh.
March
| 2015| Muko mekazin