2015, Kalaymyo airport |
Bawhte ka si lio
in a tutiang ka nu he voikhat hmanh khual lam nai zong khual lam hla zong kan
tlawng tti bal lo. Khuate ummi kan sihlei ah sifah he harsat hecun kawlram
chung hmun dawh hmun nuam hna zong rak phak khawh a silo. Kalaymyo sianginn kan
kai caan hmanh ahkhin thlah a kan duh tuk ko zongah phaisa um lo ruang theo
ahcun kanmah lawngin kan kal tawn. A poi tuk ah ka rak ruat lem lo aruang cu
“kanu hi motor cit a rethei lai ti ka phang”. Zing arkhuan hlan in thawh,
mawtaw hngah le tet ngang in thut a si lai caah ka nu retheih tuar ding ka rak
duh lo. Voikhat te hmanh hi market ah thil kan caw tti bal lo, aruang cu kan
chungkhar ah meh chumh thiam le market kaltu hi ka pa nih tuanvo a lakmi si. Ka
chimcia bang ka nu cu a thawhka in thlacam kha arian si.
2016, Tahan (Kalaymyo, Duh Lian puan a zar piak lio) |
Kum 7 renglo ka
khuasaknak Rengoon khuaah kanu nih kan tlawng lai a ka ti. Nilinh hna ka tuar
khawh pah ko ahcun sau deuh ka cam lai. Ka hawikom le chungkhat rualchan sin
hnaah ka leng pah lai, zalong tein tutan cu Rengoon khua ka hel la ti khi si.
Kan nufa te cun, Kalaymyo airport lei kan hung kal. Kum 60 renglo a si cang
nain atu hi a voikhatnak bik vanlawng ai cit a si lai. Kanu cu ai nuam tuk,
keimah belte Kalaymyo airport hi a fa tuk, cun khuachung bak ah a um fawn le ka
tih ngai. A ttum lai le bang ahhin cun ka thin kai domh tawn. Nain, tutan cu ka
nu he voikhatnak bik khualtlawn tti le vanlawng cit tti sitik ah kai lung hmuih
nak nih zeipaoh a tei dih. Thinphan ee, thla lau ee zong ka ngei ti lo.
Thlalang awng hram ahcun ka thut ter, cunglei in kan hei pah thluahmahmi
khuadawm a zoh, tanglei in kutpi tin kauh in hmuh khawhmi inn sang pipi pawl a
vun hmuh hna. “Nute, atuhi a voikhatnak bik khual kan tlawn tti si ko lo maw?”
a hun ka ti. Ka dang a ka khar le “ummm” van ti hmanh khi kai harh.
Christmas zing, pumh kal pah |
Mandalay ah
cikhat te kan idin. Kan idinh karlak ah leng ah ka chuahpi. Thli thiang kan
dawp. Tlawmpal kan um ah ruah siamsiam in a sur le vanlawng chungah kan lut
than. Kum upa a si cang ko nain a mithmai a panh tuk, airport ah ka U nih a rak
kan don ding kong ka vun chimh le bang cun “mang a lo” a ti lengmang. ‘kanu
mang silo, cang si’ ka hei ti. Kan nu fa cun, a hlan lio kong kan iruah. Kum 23
ka si cang ko nain atu bantuk in suimilam pa hnih chung bak ka nu he bia kan
iruah caan a um bal lo. A thinlung chung ummi vial te a ka ruah, a fahniang
hmanh kum 23 ka hung si cangmi zong ai zumh kho lo bantuk in a um. Nu le he
caan pekin bia iruah le khualtlawn tti hna hi nun lio ah kan rak tuah hrimhrim
ding si timi a ka fainter. A thawthnam zong a ka theihter. “ka nu, dam te na um
cun…na nun chungah US zong kan tlawng lai cu” ka van ti.
“Nute, khi tiangtiang cu ka dam ti hnga maw?, na nu hi ka upa cang dahkaw” a van ka ti. A aw cu tektlak bantuk khin a thlir. Cubiacu kai ziak lotuk, ‘si hlah, na nungak tuk hme hi. Na dam chungah caan tha um hram seh’ ka van ti. Ruah lo taktak pi khin “kai lawm” a van ti chap. Keimah tu nih khin ni fatin, zaan fatin. Phaisa pek loin a ka cawntu. Kum 23 tiang a man lak loin free bakin ka paw a ka cawmtu, ka cungah Vancungmi bantuk in
US ummi a tunu he video in an i chawnh lio |
free bakin ka
paw a ka cawmtu, ka cungah Vancungmi bantuk in a thinfualmi le a nunnemmi le
khrihfa nunzia a ka cawnpiaktu ka nu sin tuah hin ‘kai lawm, kai lawm’ timi bia
chim lengmang ding cu keimah hi ka rak si. Suimilam pahnih chung kan biaruahmi
nih kum tamtuk khuaruat loin ka rak vahveihnak le ka daithlannak vialte a hun
ka ruahter. Taktak le ngaingai tiahcun a tu bantuk hin khual hna kan rak tlawn
tti lengmang dingle bia tampi kan rak iruah ding a si. Zeithluk in a thlum, ka
ngakchiat lio ahhin rawl eilai sau deuh thla a cam hmanh ah ka ai puangmi tawn.
‘kanu thlacam cu a sau tuk’ ka rak ti lengmang. Ka nunchung ah kai chim peng
dingle ka philh khawh tilo dingmi ni le caan ah nihin cu ka thinlung chungah
‘save’a si cang. Ka tap la maw? ka ni la maw?ti zong kai thei kho ti lo. Nu le
pawng um cun, caan liam a fawi zian le hnangam zia zong a thar in ka nun ah a
thawtnam ka van theih than. “Bawipa, kai lawm”.
2015, ka nu a mit a piah lio |
Vanlawng cung
kan van tum, ka U le Tina nih a rak kan don. Lawmhnak mithli a luang. Lungtho
thanuam takin inn lei ah kan lawi. Ka nu a kan tlawng ding a si ruangah inn an
rak thianh hnga maw? thilri hna amah le umnak cio ah an rak chia hnga maw?tiah
ka buai. Aruangcu ka nu nih hnoksak tukin khuasak le daithlan hi a rem lo tukmi
a si. A thli tein ‘ka u, inn nan thianh maw? zaan riah zei meh dah nan chumh”
tiah ka van hal. “sapherhsial in kan thianh dih, puan zong kan suk, meh zong ka
nu nih a ei khawh cem ding ngasa kan chumh” a van ka ti. ‘hut’tiah ka thaw ka
van chuah khawh.
2016 Christmas Zing, Khampat kan inn |
Nihin cu, zung
kai lo ni a si. Tuan tein ka tho. Kanu nih a ei khawh dingmi (a hakmi tbk pawl
hi a ha tha tilo le a ei kho tilo) ka chumh piak le breakfast kan ei. Cun,
market ah kal ding kan ithawh. Rengoon lam cu nan theicia bang, mawtaw cu lam
khat in a kallei he a tlunglei he an khat. Lam khatlei ralah kan market cu asi.
Lam kan tan lai teah kanu nih ka vorhlei ban cu a hunk a tleih ‘a lum’ khawh
ning. Mawtaw lak lam van tan ding a tih, ‘duhsah’ in kan kal lai ka van ti. Ka
ngakchiat lio ahcun kanu tu nih lam a rak ka hruai le lam kal dan in sianginn
tiang a rak ka thlah tawnmi ka vun ruat. ‘aw…..kum upat lei pei a panh cang ko
hi’ ka van ti. Ka thinphang bantuk in ka um. Kanu nih kum tampi a kan nunpi la
loh ti ka phang. Inn kan um zongah zeihmanh tuahter ka duh lo, ai khawngdeng
sual la ti ka phang. Ka pawng te i a thut vial hi kai lunghmuih tuk cang. Ka
mithmuh ka hmaika ah nungdam in ka hmuhmi nih hnangamnak a ka pek. Keimah
zohkhenh le cawmkennak ah a thazang hna cu nungak no bantuk in thawng ti hlah
hmanh sehlaw ka caah thla za a cam kho rih. Cucu, ka caah zeihmanh in thlen
khawh lomi le phaisa tampi cawk khawh lomi a si. Nain, “kai lawm” ti chim ka
hmang bal lo. Bia kakhat hmanh ka chim lo nain zeidah ka duh ti a theih khawh,
ka holh lo zong ah ka thinlung chung ummi bia a thei khotu ka nu, ‘kai lawm’.
By Lovely Nancy