Q: Na nu le na pa
min, Unau pa zeizat, na chuahnak khua
Answer: Pu Tin Hmung
Hlawnceu (Tleicia) le Pi Khen Tang (Saikah) an si. Unau (9) kan si. Keihi a
hniangcem ka si. Ka laihri tan nak cu Khampat khua si.
Q: Sianginn na
kainak Primary, High School le Univesity tiin a changchang in
Answer:
Tang
cheu in tang riat tiang Khampat a ka kai, Tang (9-10) tiang Kalaymyo, Tahan ah
ka kai. B.th hi Tedim Christian College ah ka kai, cun Dagon University, Yangon ah History (distance)
ka kai.
Q: Na chuah kum
theih awk tha lai maw?
Answer: 1992, August 23
asi.
Q: Na tung pee
zeizat dah si?
Answer: Pee 5 feet and
3 inches ka si.
Q: A hlei in na
zuammi (hobby)?
Answer: Khualtlawn,
Carel le catial le hla ngaih ka huam. Cun, rawl chumh zong ka huam ngai ko. (ka
chumhmi bel a thaw tuk lo J)
Q: Zei bu ahdah na
pumh?
Answer: Lai Baptist
Church (LBC), Yangon ah kai pum.
Q: CNF rian hi
zeitik in dah na bawmh hna? Zei bantuk ruahchannak in dah na rak bawmh hna?
Answer: Keimah pumpak
lungtling tein ka bawmh ko hna. Cun, CNF nih a dir pi mi policy zong hi miphun
nih zalon nak kan hmuh nak ding caah a dik felmi policy a si tiin ka cohlan,
nihin dohthlennak an tuahmi hi dirpi le tanpi a herh tiin ka hmuh ruangah a si.
Ahopaoh nih daihnak cu kan duh cio, keimah zong nih miphun zalonnak le daihnak
hmuhnak ding caah ka si khawh chungin thazang chuah ding ah zuam le thanpi ka
duh ve ruangah asi.
Q: Hmailei
saduhthah zeidah asi?
Answer: Ka chunmang na
ka hal si ko lo maw? Nu pakhat dirhmun in a tuahmi le a dirhmun ah hlawhtlinnak
a hmumi le chungkhar, pawngkam caah thathnem nak a ngeimi si ka duh.
Q: Kan laimi
hlasak thiam mi hna lakah ahodah na uar bik?
Answer: Lainu ahcun
Sung Tin Par ka uar. Laipa ahcun Ci Lian ka uar.
Q: Muko le
Thingthang mekazin hna ahhin na catial mi teter kan rel lengmang. Rel zong an
nuam ngai. A zapi ah lenhloi hi fung zeizat dah na tial cang?
Answer: awsi. Lenhloi
tial hi ka huam phun si. Muko he Thingthang he nan ka chuah piak lengmang le
kai lawm tuk. Keimah pumpak (own tune) hi kai cinken khawhmi ah fung (50)
hrawng si men lai dah.
Q: Na tialmi
chungah zei kha dah na uar cem?
Answer: Thinlung,
thluak, thiamnak dihlak fonh in ka tialmi an si caah uar hleimi ka ngei lo.
Anmah le an konglam cio he pehtlai in ka uar dih ko hna J.
Q: Na tialmi pawl
hi an tam pah cang si kaw cauk hna chuah na tim maw?
Answer: Lenhloi
khawmhsuat cauk fate pakhat a chuah cang (2015 ah). Cun, Hringtu nu le he
pehtlai in 2016 ah cauk fa te pakhat ka chuak cang.
Q: Cauk dang ta
chuah na timhmi um ti maw?
Answer:
awsi.
Tukum chungah cauk fate pakhat chuah than kai tim, tuhi ka tawlrel cuahmah lio
asi. A chuah tik zongah thazang pek cio dingin kan sawm hna.
Q: Cucu lenhloi
cauk thiam maw si rih lai?
Answer: Silo, Kum 25
chungah ka hmuh tonmi a bikmi ka nunnak a thlengtu pawl keimah pumpak nih
thazang ka hmuhmi le ka diary cheukhat fonh in nunak thazang petu cauk pakhat
chuah kai tim.
Q: Na rian he pehtlai in ramleng hna na phan bal
maw?
Answer:
Malaysia
le Thailand ka phan bal.
Q: CNF ahhin kum
zeizat tiangdah tuan na timh?
Answer: Hmailei kong cu
chim awk tha thlu lo le mu. Miphun nih zalonnak mah le khuakhan lairel khawhnak
tlamtling tein kan hmuh tiang cu tuan ka tim ko. Pathian nih a ka timh piakmi
chung zongah ai hngat fawn.
Q: Atu lio ahhin
Kan lairam Chief Minister he itong ulaw zei bia dah na chimh hnga?
Answer: Lairam Chief
Minister he itong usih law chim ka duhmi cu- Chin National Day (Chin miphun Ni)
hi Chin State ah (legal/Offical/တရားဝင္) tein zungkhar ding le hman dingah atu
minister a tuan chung kum (5) ahhin tuah piak ding hrimhrim in chim ka duh.
Q: Laimi kan
nunphung ah na duh bikmi le na duh hrim lomi pakhat veve in na kan chim kho
hnga maw?
Answer: Lai nunphung ah
ka uar lo bikmi cu ‘Nu’ namnehnak pupa phungthluk, nu kan cawisan lomi paoh
paoh abik in ro co khawh lomi hi ka duh bak lomi an si. Cun, ka duhmi cu
“thlachiatruah” ‘tlangzamh nun’ timi hi a si.
Q: Yangon ah na
address, face book le telephone number?
Answer: Building 22,
(7) block, Hlaing Tps.
Face book: Nancy Dawt Chin
Sung
Phone: (09-421165172)
Blog: www.tlangsangpar.com
Q: Thingthang
carel tu pawl sin ah cah duhmi na ngei maw?
Answer: Laica tlangkhat
le hmaikhat kan rel kan tial cu miphun a ngandam nak ding caah thingkung ti kan
toih bantuk asi. Cu caah, thingthang mekazin kan rel cu laica kan dawt le kan
thancho ter zong asi fawn. “a mui in zoh hlah, a aan in ngai”timi cu laimi nih
caan tling in chuahmi ‘thingthang mekazin’ hi asi. Pehtlai tein cawk ding le
rel dingah kan sawm duh hna.
Q: Kan ilawm.
Answer: Atu bantuk in
bia halnak nan ka ngaih caah kai lawm tuk ve.