 |
| Inn hnulei khua cuanhnak |
Khual tlawn ka huam ka ti cang kha mu. Nain rian he khual tlawn a si tik
ah duhning in caan ka hmang kho lo. Asinain, hmanthlak hi cu ka tloh bal lo.
Kai zukzek manh peng. Tutan zong a canak in hmanthlak a tam deuh lai mu.
-
Kanpalet timi cu Victoria Tlang a umnak a si. Kan ram
tlawng hmanhah silo in Asia ram chungah minthang tlang pakhat a si. Cuhmun cu,
man fawi tein phak khawh a si. Kal na duh taktak ahcun Yangon in phaisa dih lo
tein na phan kho lai.
-
Kanpalet cu keimah hmuhnak ah Chin ramkulh ah a hinhno
bik tiin ka hmuh. Thingthei a tam. Khuachung ah thingkung a tam fawn caah a dai
i a nuam fawn. Inn sang pipi a um lo tukah khuati zong a tha. Culawng silo in
an rawl chuan zong a thaw tuk. Anih cu “ေထာပတ္သီး” a tam taktak
khi si. Atu hin tlai hram an van ithok le khuasik tlak taktak tik ahcun a titi
awk tha lo bak khin a tam.
-
Yangon in zeitindah kan kal lai: ka chim cia bang,fulltime
in rian tuan lomi ca zongah, sianginn kai liomi si zongah sianginn khar caan ah pocket money I khon in
Victoria tlang ah thlithiang dawp khawh a si.
 |
| Main Building |
Yangon to Chauh: Yangon in zaan 8:00pm ah mawtaw a chuak. Minung pakhat
ah 95000ks lawng si. USD cun 10$ hmanh a tling lo. Aircon Buss a si. Cit a nuam
tuk. Minung zong an tam tuk theng lo.
Chauk to Kanpalet: Yangon in Chauk cu zinglei 6:00am ah phak a si. Cucu,
tha tein lam tluan ahcun phak khawh si cun Zinglei 8:00am ah Chauk to Kanpalet
Mawtaw a chuak than. Minung pakhat ah 8000ks a si. Chauk in Kanpalet hi
suimilam (6) chung hrawng mawtaw I cit a si rih nain lam a tha le a nuam ngai
ko.
 |
| Good Morning |
Hotel: atanglei ah hmanthlak kan hmuhsak hna bang in Mah “Shwe Taung
Tang” Hotel ah zalong tein tlun khawh asi. Khual tlunnak inn fa tete zong a um
chih. Inn fa tete nan duh lo sile building zongah tlun khawh si. Inn fa tete hi
zaankhat ah 40000ks si. Ihkhun pa (2) a um. Minung pahnih zalong tein riah
khawh asi. Tikholhnak (tilum, ti kik) zong a um chih. Ek inn zong a um. Cu
lawng silo in, inn hnulei ah khua cuanh nak a rem taktak fawn rih. Main
Building chungah nan tlun ahcun room khat ah 10000ks lawng asi.
Kan Pearl: Mah hi rawl dawr si. A mak taktak. A thaw tuk le ka chim
thiam lo, fungvei hna a kan rawh piak rih hoi! Nizaan ka khim tuk nakah ka
nakpang ruh zong a fak vir. Cucu, hei tuak ve ko uh! An zaan riah cu a thaw
emem. Kanpetlet na phak ahcun “Kan Pearl” ah voikhat tel rawl na ei ta locun
Kanpetlet phak lo he ai khat lai.
Khah! Atu lio nakin khuasik ah tlawn a nuam deuh chinchin rih. Rian he
ka si le mah vial lawng information kan pek khawh hna, rak tlawng cio ve uh
tiah kan sawm chih hna.
 |
| Yopaw kan ngai???? |
 |
| Ihnak |
 |
| Kan Pearl rawl dawr |
 |
| Kan Pearl rawl dawr ah an hmuhsakmi |
 |
| View |
Kan Pearl: Mah hi rawl dawr si. A mak taktak. A thaw tuk le ka chim
thiam lo, fungvei hna a kan rawh piak rih hoi! Nizaan ka khim tuk nakah ka
nakpang ruh zong a fak vir. Cucu, hei tuak ve ko uh! An zaan riah cu a thaw
emem. Kanpetlet na phak ahcun “Kan Pearl” ah voikhat tel rawl na ei ta locun
Kanpetlet phak lo he ai khat lai.
